Bakı/05.12.17/Turan: Dünən Moskvada başa çatan Xəzəryanı ölkələrin XİN başçılarının görüşü RF XİN başçısı Sergey Lavrovun nikbin bəyanatlarına səbəb olub.
Xəzər dənizinin hüquqi statusu haqqında Konvensiyanın işlənib hazırlanması faktiki olaraq başa çatıb, deyə Lavrov görüşün yekunlarına həsr olunmuş mətbuat konfransında bildirib.
"Sual doğuran bütün bəndlər üzrə həll yolu tapmağa müvəffəq olduq", deyən nazir əlavə edib ki, sənədin gələn il Astanada "Xəzər beşliyi" ölkə başçılarının sammitində qəbul ediləcəyinə ümid edir.
İran XİN başçısı Məhəmməd Zərif də buna bənzər çıxış edərək, Xəzər dənizinin hüquqi statusu ilə bağlı Konvensiya üzrə əldə edilmiş irəliləyişi qeyd edib. Onun sözlərinə görə, tərəflər 12 sənədi razılaşdırmağa müvəffəq olub. "Bir çox sahələrdə razılıq əldə olunub, amma, dediyim kimi, konvensiyanın məzmunu ilə bağlı razılıq əldə etməliyik", deyə o qeyd edib.
Daha əvvəl Zərif xarici hərbi qüvvələrin Xəzərə buraxılmaması haqqında razılıq əldə edildiyini iddia etmişdi.
Öz növbəsində, Azərbaycan XİN başçısı Elmar Məmmədyarov müşavirədə heç bir məna verməyən bəyanatla çıxış edib. Bu bəyanatdan çox az şey anlamaq olur. Azərbaycan üçün ən əsası milli sektorların saxlanması və İran və Türkmənistan tərəfindən bunun qəbul edilməsidir. Amma Tehran və Aşqabad israrla bunu qəbul etmir.
Hazırda Azərbaycan və Rusiya, Azərbaycan və Qazaxıstan və Rusiya və Qazaxıstan arasında dənizin dibi bölünüb.
Göründüyü kimi, Lavrovun razılaşdırıldığını bildirdiyi Konvensiyanın yekun mətni dənizin dibinin bölünməsindən başqa bütün digər məsələləri əhatə edir. Bu, o deməkdir ki, Bakı və Tehran və Bakı və Aşqabad arasında maraqların ziddiyyəti bundan sonra da davam edəcək. -02D-
Siyasət
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
-
“Abzas Media”nın həbsdə olan jurnalistlərinin yaxınları ilə telefon danışıqları 15 dəqiqədən 2 dəqiqəyə endirilib. Bu məhdudiyyət Bakıda COP29 beynəlxalq iqlim konfransının keçirilməsilə əlaqədardır.
Rəy yaz