Prezident İlham Əliyev.
Bakı/04.10.23/Turan: Azərbaycan prezidenti İlham Əliyev oktyabrın 5-də Qranadada keçiriləcək Avropa Siyasi Birliyinin sammitində iştirakdan imtina edib. Sammit çərçivəsində onun Ermənistanın baş naziri Nikol Paşinyanla görüşü planlaşdırılırdı.
Bu xəbəri Azərbaycanın demək olar ki, bütün aparıcı hakimiyyətyönlü KİV-i yayıb.
Avropa İttifaqı Qranadada Avropa İttifaqı Şurasının prezidenti Şarl Mişel, eləcə də Fransa prezidenti və Almaniya kanslerinin iştirakı ilə beştərəfli formatda Əliyevlə Paşinyanın görüşünün keçirilməsini təklif etmişdi.
Lakin Azərbaycan tərəfi Fransanın Bakının ünvanına yolverilməz ittihamları və onun Ermənistana silah tədarükünə dair bəyanatları ilə əlaqədar bu formatı qəbuledilməz hesab edib.
Bundan əlavə, danışıqlarda Türkiyə prezidentinin də iştirakı ilə bağlı Bakının təklifi qəbul edilməyib.
Fransanın iştirak edəcəyi təqdirdə, Azərbaycan Ermənistanla danışıqların istənilən formatını rədd edir. 06B
Siyasət
-
Yanvarın 23-də Azərbaycan Talışları İctimai Şurasının üzvü Hilal Məmmədov Dövlət Təhlükəsizliyi Xidmətinə çağırılıb. O, Turan-a bildirib ki, bu gün Dövlət Təhlükəsizliyi Xidməti Nizami rayon şöbəsinin əməkdaşları Dövlət Təhlükəsizliyi Xidmətinin Baş İstintaq İdarəsinin bildirişini ona gətiriblər.
-
Yanvarın 22-də Azərbaycanın xarici işlər naziri Ceyhun Bayramov Böyük Britaniyanın xarici işlər, ittifaq və inkişaf məsələləri üzrə dövlət katibi Devid Lemmi ilə telefonla danışıb.
-
“Kanal-11” Youtube kanalının rəhbəri Teymur Kərimovun işi üzrə məhkəmə iclaslarının protokolları saxtalaşdırılıb. Bu barədə onun bəyanatında deyilir. Bəyanatı Kərimovun həmkarları yayıblar.
-
Bakı şəhəri Nizami, Qaradağ və Binəqədi rayon prokurorluqlarının gördüyü tədbirlər nəticəsində bir sıra kənd təsərrüfatı məhsulları ixracatçılarının əldə etdikləri pul vəsaitləri ölkəyə qaytarılıb.
Rəy yaz