QHT-lər etiraz edir

Ölkənin 35-ə qədər aparıcı vətəndaş cəmiyyəti institutlarının təmsilçiləri QHT-lərin fəaliyyətini məhdudlaşdıran qanunvericiliyə edilən son əlavə və dəyişikliklərə qarşı etiraz bəyanatı yayıb. 

Bəyanatı imzalayan təmsilçilər Milli Məclisin dekbarın 17-də qəbul etdiyi və QHT fəaliyyətini məhdudlaşdıran qanunvericiliyə əlavə və dəyişikliklərdən ciddi narahatlıq ifadə edirlər. Bu dəyişklik və əlavələr QHT-lərin fəaliyyətini ciddi məhdudlaşdıran, üzərinə çətin hesabat vermək öhdəliyi qoyan maddələr kimi xarakterizə edilir. Fundemental birləşmək azadlığını əhəmiyyətli dərəcədə məhdudlaşdırır.

Qanunlara əlavə və dəyişikliklərin vətəndaş cəmiyyəti nümayəndələrinin iştirakı və müzakirəsi olmadan qəbul edilməsinə etiraz ifadə edilir. Müəlliflər dövlət başçısını dəyişiklik və əlavələri qanuniləşdirməkdən çəkinməyə çağırırlar. Bundan əlavə, dəyişiklik və əlavələrin qüvvəyə minməməsi üçün yerli və beynəlxalq cəmiyyəti təcili fəallığa çağırırlar. 

Daha sonra təmsilçilər iqtidarı hələ buna qədər də qanunu mürtəceləşdirməklə QHT-lərin fəaliyyətinə müdaxilə etməkdə ittiham edirlər. 

Bəyanat müəllifləri vətəndaş cəmiyyətinə qarşı davam edən təzyiqlərin davamı olaraq SMDT-nin sədri Anar Məmmədlinin bu günlərdə həsə alınmasına diqqət çəkirlər. 

Vətəndaş cəmiyyəti institutlarının təmsilçiləri bundan sonra QHT-lərin əsassız olaraq yüksək məbləğdə cərimələnmələri, fəaliyyətinin dayandırılmaları kimi faktların artacağını cəmiyyətin diqqətinə çatdırırlar.

Son olaraq, müəlliflər rəsmi Bakını QHT-lərin fəaliyyətini tənzimləyən qanunvericiliyi beynəlxalq standartlara uyğunlaşdırmağı tələb edir, vətəndaş cəmiyyəti nümayəndələrinə qarşı aparılan davamlı təzyiqlərə son qoymağa cağırır.

Bəyanatı Media Hüququ İnstitutu, Hüquq Maarifçiliyi Cəmiyyəti, İnsan Hüquqları Klubu, D.Əliyeva adına Qadın Hüquqlarını Müdafiə Mərkəzi, Qadın Krizis Mərkəzi, Azərbaycan Hüquqçular Assosiasiyası, Reportyorların Azadlıq və Təhlükəsizlik İnstitutu, Azad İqtisadiyyata Yardım İctimai Birliyi, Hüquq Təşəbbusləri Mərkəzi, İctimai Təşəbbüslər Mərkəzi, Hüquq və İnkişaf İctimai Birliyi, Azərbaycan İnsan Hüquqları Mudafiə Mərkəzi, İslam, Demokratiya və İnsan haqları Mərkəzi, Azəri-Talış İctimai Birliyi, İqtisadi Təşəbbüslərə Yardım İctimai Birliyi, Demokratik Təsisatlar və İnsan Hüquqları İctimai Birliyi, Sülh və Demokratiya İnstitutu, Demokratiyanı Öyrənmə İctimai Birliyi, Vətəndaş Cəmiyyəti İnstitutu İctimai Birliyi, Neftçilərin Hüquqlarının Mudafiəsi Mərkəzi, İqtisadi Təhlil Mərkəzi, Eko-Aləm İctimai Birliyi, Regional İnsan Hüquqları və Media Mərkəzi, İnsan hüquqları-2003 İctimai Birliyi, Ahıl Ziyalılara Qayğı ictimai birliyi, Mədən Sənayesində İnsan Haqları İctimai Birliyi, Sahibkarliğın və Bazar İqtisadiyyatının İnkişafına Yardım Fondu, Təhsil Tədqiqatları Mərkəzi, İnsan Hüquqları üzrə Maarifləndirmə İctimai Birliyi, Rasional İnkişaf Uğrunda Qadınlar Cəmiyyəti, Regional İnsan Hüquqları və Sosial Araşdırmalar Mərkəzi, Azərbaycan Qadınlarının Siyasi Mədəniyyət Mərkəzi, Beynəlxalq İnsan Hüquqları Cəmiyyətinin Azərbaycan Milli Bölməsi imzalyıb. -05D-