Sergey Lavrov Zuyevin Bakıda səfir təyin edilməsi planlarını təkzib edib
Bakı/08.12.17/Turan: RF XİN başçısı Sergey Lavrov bir sıra Azərbaycan KİV-lərinin Bakının Gennadi Zuyevin Rusiyanın Azərbaycanda səfiri təyin edilməsinə razılıq verməməsi barədə məlumatlarını təkzib edib.
Cümə günü mətbuat konfransında Vyanada ATƏT XİN başçıları şurasının iclasında Lavrov Turanın bu məlumatları şərh etmək xahişinə cavabda bildirib ki, Rusiya tərəfi heç vaxt Zuyevin təyin edilməsi üçün Azərbaycan hökumətindən aqreman istəməyib.
Onun sözlərindən həmçinin məlum olub ki, o, RF XİN-in idarə rəisinin müavini G.Zuyevin və Azərbaycan mətbuatının erməni əsilli olduğunu yazdığı Lavrovun özünün ermənipərəst mövqeli olması ilə bağlı eyhamları yersiz hesab edir.
"Kimin hansı əlaqələrinin olması və bunun mövqelərə necə təsir etməsi mövzusu özü müasir sivil normalara çox da uyğun deyil", deyə o bildirib.
Qarabağda təmas xəttində ATƏT müşahidəçilərinin sayının artırılması haqqında Turanın sualına cavabda Lavrov deyib ki, bu məsələ 2016-cı ilin mayında Minsk qrupunun həmsdəri olan ölkələrin XİN başçılarının iştirakı ilə Azərbaycan və Ermənistan prezidentlərinin Vyana görüşündə, daha sonra isə Sankt-Peterburq görüşündə müzakirə olunub.
Bundan sonra ATƏT-ə prinsipial razılaşma təqdim edilib və hazırda ATƏT-in xüsusi nümayəndəsi bu razılaşmanın həyata keçirilməsinin təcrübi parametrlərini razılaşdırmağa çalışır.
Qeyd edək ki, Zuyevin Azərbaycanda səfiri təyin edilməsi və iyulun 5-də Dövlət Duması komitəsinin onun namizədliyini təsdiq etməsi haqqında elə Rusiya KİV-ləri yazırdı. -0-
Siyasət
-
Almaniya Parlamentinin”İşıqfor” Koalisiyasının üzvləri, insan haqları siyasətçiləri Renata Alt (FDP), Boris Miyatoviç (Yaşıllar) və Frank Şvabe (SDP) Azərbaycanda Qubad İbadoğlunun və digər siyasi məhbusların azad edilməsinə dair açıqlama yayıblar.
-
Mayın 17-də ictimai fəal və hüquq müdafiəçisi Bəxtiyar Hacıyevin işi üzrə məhkəmə prosesində zərərçəkən məhkəmə məmuru Orxan Abdullayevin ifadələri dinlənilib.
-
Mayın 17-də Azərbaycan və Belarus prezidentləri Füzulidən Şuşaya gediblər.
-
Bu gün Avropa İttifaqı Şurası Rusiya təbliğatı yayan və Ukraynaya qarşı təcavüzkar müharibəni dəstəkləyən daha dörd KİV-in: "Avropanın səsi", RİA Novosti, "İzvestiya" və "Rossiyskaya qazeta"nın Avropa İttifaqında yayımını dayandırmaq qərarına gəlib.
Rəy yaz