Siyasətçilər: «Türkiyədə repressiyalar qarşıdurmanı gücləndirə bilər»

Türkiyədə baş verən hadisələr ölkənin hansı mürəkkəb dövrə qədəm qoyduğunu göstərdi. Bu, dinin dövlətdən ayrı olması barədə fikirləri bir daha təsdiqləyir. Bunu REAL hərəkatının icraçı katibi Natiq Cəfərli Turan-a müsahibəsində deyib.

“Bir şəxsin 10 ildən çox hakimiyyətdə qalması mütləq problemlərə yol açır. Bu klassik siyasi aksiom bir daha bu gün Türkiyədə təsdiqləndi”, - o qeyd edib və ümidvar olduğunu bildirib ki, Türkiyə cəmiyyəti bu vəziyyətdən çıxış yolu tapacaq.

Öz növbəsində AXCP lideri Əli Kərimli ölüm hökmünün bərpası və onun qiyamçılara tətbiq edilməsi barədə Ərdoğanın çağırışı ilə bağlı narahatlığını bildirib.

“Lakin ölüm hökmünü zabitlərə və əsgərlərə tətbiq etmək,  Abdulla Öcalan və digər kürd terrorçulara etməmək absurddur”, - o vurğulayıb.

“Media və müxalifətin dəstəyilə çevrilişin qarşısının alınmasından sonra hakimiyyət özünü sakit və barışdırıcı kimi aparmalıdır. Cavab demokratiyanın dərinləşdirilməsi olmalıdır, repressiya yox. Ərdoğan opponentlərı ilə münasibətdə sərt ritorikadan imtina etməli, mətbuata təzyiqlərə son qoymalı, tənqidə dözümlü olmalıdır”, - Ə.Kərimli bildirib.

Onun sözlərinə görə, çevriliş cəhdindən hakimlərə və prokurorlara qarşı kütləvi repressiyalar üçün istifadə olunmamalıdır. Belə bir şey öncə də olmuşdu. “Ergenekon” və “Balyoz” işləri üzrə onlarla insan həbs edilmişdi.

Ə.Kərimli ölkənin Silahlı Qüvvələrinin nüfuzunu aşağı salan kadrların yayılmasını yolverilməz hesab edir.

“Bu proseslər Türkiyədə avtoritarizmin möhkəmlənməsinə səbəb ola bilər və ya əksinə yeni demokratik inkişafa təkan verə, xoş məramın, milli birliyin bərqərarına xidmət edə bilər. Hakimiyyət dözümsüzlüyün və ədavətin azalması üzrə sistemli addımlar atmalıdır”, - Ə.Kərimli vurğulayıb.

Milli Düşüncə Mərkəzinin rəhbəri və Müsavat Partiyasının keçmiş sədri İsa Qəmbər  Türkiyədə çevriliş cəhdini pisləyən parlament fraksiyalarının birgə bəyanatını alqışlayıb.

“Prezidentin müxalifət liderlərinə telefon etməsi və eyni mövqeyə görə təşəkkür etməsi çox böyük addımdır”, - İ.Qəmbər qeyd edib.

Bununla belə, o hesab edir ki, ordunun nüfuzunun aşağı salınmasına yol verilməməlidir. Bir qrup hərbçiyə görə bütün ordu gözdən salınmamalıdır. Əksinə, dövlət cəmiyyətə müsbət mesajlar ötürməlidir.

“Azad media, müstəqil telekanallar  və sosial şəbəkələr - Twitter, Facebook, WhatsApp, FaceTime tamamilə başqa mühit yaradıblar. 20-ci əsrin ikinci yarısındakı çevrilişlərdən fərqli olaraq indi cəmiyyətin  informasiya əldə etmək imkanı var. Bu şəffaflıq çevrilişin qarşısının alınmasında çox mühüm rol oynayıb. Odur ki, dövlət xadlmləri, hökumət yeni kommunikasiya vasitələrinin, sosial şəbəkələrin əhəmiyyətini  qiymətləndirməli və onların məhdudlaşdırılmasına son verməməlidir.

Əgər bütün bunlar nəzərə alınmasa, proseslər də başqa istiqamətdə  gedəcək, ölkədə gərginlik səngiməyəcək və arzuolunmaz proseslərə gətirib çıxaracaq. Türkiyədə sabitlik həm də Azərbaycan üçün, eləcə də bütün region üçün vacibdir”, - İ.Qəmbər bildirib.

“Türkiyə ordusu, polisi, jandarmeriyası dünyada ən yaxşılardan biridir. Lakin onlar xalqın iradəsi qarşısında gücsüzdür. İyulun 16-da Türkiyə xalqı öz iradəsini ortaya qoyaraq seçilmiş hakimiyyəti dəstəklədi. Bu, türk xalqının böyük qələbəsidir”, - Demokratik Qüvvələrin Milli Şurasının sədri Cəmil Həsənli hesab edir.

Bununla yanaşı qiyamçılardan fərqli olaraq dövlət hüquq və qanun çərçivəsində hərəkət etməlidir. Əgər ordunun bir hissəsi çevrilişdə iştirak edibsə hərbçilərə divan tutmaq olmaz. Günahkarları məhkəmə cəzalandırmalıdır. Əsgərlərin alçaldılması yolverilməzdir”, - C.Həsənli vurğulayıb.03B06-