Bakı/27.03.18/Turan: "Ermənistan xarici işlər nazirinin substantiv danışıqlara qarşı xüsusi fobiyası var".
Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev belə deyib. O, Ermənistan xarici işlər nazirinin bu gün keçirdiyi mətbuat konfransında Dağlıq Qarabağ konfliktinin tənzimlənməsi ilə bağlı səsləndirdiyi fikirləri şərh edib.
H.Hacıyev deyib ki, 2017-ci ilin payızından etibarən danışıqların predmetli və konkret əsasda aparılması Ermənistan xarici işlər nazirini ciddi surətdə narahat edir.
"Ermənistan hər bir vəchlə qəsdən danışıqların danışıqlar naminə aparılması və danışıqların imitasiya edilməsi siyasətini yürüdür. Bununla, Ermənistan danışıqlar prosesini uzatmaq və Azərbaycan ərazilərinin işğalının davam etdirmək kimi çirkin məqsəd güdür".
XİN sözçüsü vurğulayıb ki, Ermənistanın siyasi-hərbi rəhbərliyi işğal faktına son qoyulması, qoşunlarını Azərbaycanın işğal olunmuş ərazilərindən çıxarmaq əvəzinə, danışıqlarda diqqəti texniki-köməkçi məsələlərə yönətməyə çalışır.
"Regionda davamlı sülhün və təhlükəsizliyin təmin edilməsi üçün Ermənistan rəhbərliyi Azərbaycan dövlətinə və xalqına qarşı törətdiyi əməllərinə görə məsuliyyətini etiraf etməli, BMT Təhlükəsizlik Şurasının qətnamələrinin tələblərinə uyğun olaraq, öz qoşunlarını dərhal, tam və qeyd-şərtsiz Azərbaycanın işğal olunmuş ərazilərindən çıxarmalıdır",o, əlavə edib.
Ermənistan xarici işlər naziri Edvard Nalbandyan bu gün keçirdiyi mətbuat konfransında Dağlıq Qarabağ konfliktinin tənzimlənməsi yillarından danışıb. Onun münaqişə ilə bağlı danışıqların substantiv məzmunda aparılması əleyhinə ifadələr işlətdiyi bildirilir.
1988-ci ildə başlayan Qarabağ problemi ilə bağlı Azərbaycan və Ermənistan arasında münaqişə var. 1994-cü ildə tərəflər arasında imzalanan atəşkəs müqaviləsinə qədər Ermənistan silahlı bölmələri Azərbaycanın Dağlıq Qarabağ bölgəsini və ona bitşik 7 rayonu işğal edib.
Dağlıq Qarabağ münaqişəsi ilə bağlı sülh danışıqları ATƏT-in Minsk qrupunun vasitəçiliyi ilə aparılır. ABŞ, Rusiya və Fransa həmsədr ölkələrdir.
Siyasət
-
ABŞ-ın yeni məlumatları göstərir ki, Azərbaycanın Qazaxıstanda qəzaya uğramış sərnişin təyyarəsini Rusiyanın hava hücumundan müdafiə sistemi vura bilərdi, - Turan-ın Vaşinqton müxbiri adlarının açıqlanmasını istəməyən iki amerikalı məmura istinadən bildirib.
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
Rəy yaz