20 yanvar şəhidlərənin ruhuna hörmətsizlik

Dostlar! Bir daha Azərbaycan hakimiyyətinin Milli Şuranın Şəhidlər Xiyabanını dünənki ziyarəti ilə bağlı törətdiyi nalayiq hərəkətlərinə qayıtmaq istəyirəm.

20 yanvar şəhidlərənin ruhuna hörmətsizlik olan bu rüsvayçı hərəkət hakimiyyətin anti-xalq, anti-milli mahiyyətini ortaya qoydu. Şəhid ruhlarının təhqir edilməsi üzərində qurulmuş bu ləyaqətsiz ssenari bilavasitə hakimiyyətin yuxarı dairələrinin göstərişi ilə Bakı Baş Polis idarəsi tərəfindən icra edilirdi.

Belə ki yanvar ayının 19-da axşam saat 18:35-də özünü Bakı şəhər baş polis idarəsinin ictimaiyyətlə əlaqə idarəsinin əməkdaşı kimi təqdim edən bir nəfər mənə+99450 2644463 nömrəli telefondan zəng edib 20 yanvar şəhidlərini ziyarət etməklə bağlı qrafik tutulduğu və Milli Şura olaraq bizim guya bu qarafik üzrə 14:30 Şəhədlər Xiyabanını keçməli olacağımızı bildirdi. Mən dedim ki, axı biz sizdən xahiş etməmişik, sizə müraciət etməmişik. Bundan əlavə indi iş vaxtı qurtarıb, sabah saat 12-də biz ziyarət mərasimi təyin etmişik, üzvlərimizə və təssübkeşlərimizə bu haqda məlumat vermişik.

Dedi bizlik deyil, bizə belə bir göstəriş verilib və biz də sizə deyirik, qrafik üzrə belədir. Mən soruşdum ki, bu göstərişi kim verib, bu qrafiki kim tərtib edib, dedi şəhər polis idarəsinin rəisi Mirqafar Seyidov. Dedim Mirqafar Seyidova de ki, bu qrafikin gələn ilə saxlasın, bu il artıq gecdir. Gələn il bir həftə öncədən elan edər, adamlar və təşkilatlar da öncədən bilər ki, nə zaman gəlməlidir. Sabaha gəldikdə isə biz elan etdiyimiz vaxtda, saat 12-də keçmiş Əzizbəyov heykəlinin yerində toplaşıb Şəhidlər Xiyabanına doğru hərəkət edəcəyik. Dedi biz buna imkan verməyəcəyik. Dedim imkan versəniz də, verməsənizdə biz elan etdiyimiz vaxtda toplaşıb Şəhədlər Xiyabanını ziyarət edəcəyik.

Bu oyun Milli Şura ilə bağlı qurulmuşdu və hər il yanvar şəhidlərinin ziyarəti zamanı Milli Şuranın mütəşəkkil və çoxminli vətənsevərlərlə Xiyabanı ziyarət etməsi hakimiyyəti narahat edirdi. Dünən ziyarətin vaxtını dəyişdirməyə qərar verməklə bu kütləviliyin qarşısını almağı planlamışdılar. Yeri gəlmişkən yanvarın 19-da şəhər baş polis idarəsinin ictimaiyyətlə əlaqə görəvlisi telefon danışıqları zamanı onu da bildirdi ki, Milli Şuranın sabahkı ziyarətinə ancaq Milli Şura üzvləri gəlsin, digər partiya və təşkilatların üzvləri gəlməsinlər, əgər gəlsələr biz onları buraxmayacağıq.

Mən ona dedim ki, biz Milli Şuranın üzvü olan partiya və təşkilatlara, minlərlə təsübkeşə necə deyə bilərik ki, bizimlə ziyarətə getməsinlər, axı onları bu ziyarətə biz dəvət etmişik. Bu tələbin arxasında da Milli Şuranın ziyarətinin kütləviliyini pozmaq dayanırdı. Bakı Baş Polis idarəsinin bu qanuna zidd tələbləri birbaşa konstitusiyanın, müvafiq qanunların və ölkənin qoşulduğu beynəlxalq konvensiyanın pozulması, Bakı Baş Polis idarəsinin və onun rəisi Mirqafar Seyidovun öz vəzifə səlahiyyətlərini aşması faktı idi.

Bilmirəm partiya və təşkilatlardan daha hansılarına "qrafik" barədə məlumat verilmişdi, amma hər halda heç bir partiya və təşkilat belə xəbərdalığın olduğu, belə tələblərin edildiyi barədə ictimaiyyətə hər hansı bir məlumat vermədi. Bu "tələnin" Milli Şuraya qarşı qurulduğu göz qabağındadır.

Hökumət yanvarın 20-də utanıb-qızarmadan ziyarətçilərin qarşısına polis çıxardı. Dördqat xüsusi polis kardonu düzdü. Xiyabana gedən yol boş olmasına baxmayaraq Milli Şura ziyarətçilərinin yolu polis kardonu ilə kəsildi. Mənzərə o qədər iyrənc idi ki, hadisədə iştirak edən generallar sıravi polislərin arxasında gizlənməyə çalışırdılar. Onlar nadan və kəmağıl idarəçilərinin rüsvayçı ssenarisinin, milli ləyaqəti alçaldan qərarının girovuna çevrilmişdilər.

Bu rəzalət şəhid məzalrlarına doğru bizim hərəkətimizi bir qədər yubada bildi. Biz 12:10-da Xiayabana doğru hərəkətə başladıq, saat 13-də polis kardonun keçdik, təxminən 13:25-də ruhu bizim üçün əziz olan şəhidlərimizin məzarlarını ziyarət etdik. Onların "qrafiki" işləmədi. Amma ssenari müəlifləri də, şəhid ruhu ilə oynayanlar da rəzil oldu. Onlar xalqın nifrətindən başqa heç nəyə nail ola bilmədilər.