Cahangir Hacıyev
Cahangir Hacıyevin bacısı prezidentə müraciət etdi
Cənab prezident, dəfələrlə sizə müraciət edərək bizə yardım göstərmənizi və üç qurumdan - DİN, Baş Prokurorluq və Ədliyyə Nazirliyindən müdafiə etmənizi xahiş etmişəm. Səkkiz aydır mənə və vəkillərə Cahangirlə görüş vermirlər. Vəkillərdən birini, ümumiyyətlə, bir il müddətinə vəkillik fəaliyyətindən məhrum ediblər. Heç kim bununla bağlı açıqlama vermir.
Cahangir istintaq təcridxanasına köçürüldükdən sonra görüşlər bərpa edilib. Baxmayaraq ki, o, qanunsuz ittiham olunub və 15 il azadlıqdan məhrum edilib, hazırda ona qarşı yeni cinayət ittihamları irəli sürülüb. İstintaqın irəli sürdüyü yeni ittihamlar yenə də sübuta yetirilməyib. ABB-Moskva-nın vergidən yayınması haqda ittiham irəli sürülüb. Ancaq Cahangir müəssisənin direktoru olmadığına və ABB-Moskva-nın (onun öz rəhbərliyi var) vergisinə aidiyyatı olmadığına görə vergidən yayına bilməz. Həmçinin "çirkli pullar"ın yuyulması ittihamı irəli sürülüb. Ancaq bizə məlum deyil ki, bu pullar harada və necə yuyulub.
Hazırda Baş Prokurorluğun sərəncamı ilə bizə görüşü qadağan ediblər. Ona da evə telefon etməyi qadağan ediblər. Hansı əsaslarla? Yaranmış vəziyyətə genosiddən başqa nə ad vermək olar? Ağlıma başqa söz gəlmir. DİN mənim ölkədən çıxışıma qadağa qoyub. Mənim kreditim yoxdur və heç bir şirkətin təsisçisi deyiləm. Cahangirin bacısı olmağım ölkədən çıxışıma qadağa qoyulmasına əsas verirmi?
Ədliyyə Nazirliyindən şifahi formada bildirdilər ki, mənim vərəsəlik hüququmun rəsmiləşdirilməməsi və mənzilimi satmağa imkan verilməməsi barədə göstəriş verilib. Şifahi formada verilən göstəriş onun qanunsuz olduğunu sübut edir. Mənim qızımı, üç azyaşlı uşaq anasını işdən çıxarıblar. Cahangiri 13-cü koloniyada saxlayıblar, hər cür təzyiq göstəriblər, karserə salınmaq da daxil olmaqla.
Başa düşmürük, bizim ailəmiz niyə təqib olunur?
Mən bir bacı kimi yox, Azərbaycan vətəndaşı kimi bütün xalqın qarşısında bəyan edirəm ki, Cahangir bir manatı belə mənimsəməyib.
Onun başına gələnlərin hamısı uydurmadır.
Hazırda Cahangir istintaq orqanlarının təzyiqlərinə etiraz olaraq aclıq elan edib.
Sizdən bizim ailəmizi alçaldıcı davranışlardan və təqiblərdən qorumağı xahiş edirəm.
Hörmətlə, Əminə Hacıyeva
-
- Cəmiyyət
- 17 Sentyabr 2018 13:53
-
- İqtisadiyyat
- 17 Sentyabr 2018 14:11
Söz istəyirəm
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
-
Türkiyənin unikal radio kolleksiyası olan mədəniyyət ocağından reportaj Mersin şəhərinin Tarsus qəsəbəsinin qədim mədəniyyətinə yeni tarix qatan məkandayıq. Eyuboğlu malikanəsindəyik. Bura həm də bir sərgi salonudur. Məkanın sahibləri və işlədənləri Eyubxan bəy və Pərvin xanım Eyuboğlular cütlüyüdür.
-
Azərbaycan Dövlət Kütləvi İnformasiya vasitələri və “yalançının kor şahidi” qismində çıxış edən yandaş media erməni əsirliyində olan adamlara verilən ağır işgəncələr haqqında tez-tez heyrətləndiricü söhbətlər, əsirin şəxsiyyətinin və ləyaqətinin alçaldılması haqqında süjetlər, söhbətlər, müsahibələr verirlər.
-
Belə getsə London Yüksək Məhkəməsi böyük uyğur mütəfəkkiri Mahmud Kaşğarinin və onun təkrarsız dil abidəsi olan "Divanü Lüğat-it-Türk" əsəri üzərinə də həbs qoyacaq. Dünən oxudum ki, Mahmud Kaşqari adına Beynəlxalq Fondun təsisçiləri xalq yazıçısı Anar və Elxan Zal Qaraxanlı Fondun yeni rəhbəri kimi Milli Məclisin deputatı Cavanşir Feyziyevin namizədliyini irəli sürüblər. Cavanşir Feyziyev Mahmud Kaşqari adına Beynəlxalq Fondun yeni prezidenti oldu.
Rəy yaz