![Bəşir Süleymanlı: Hökumət vətəndaş cəmiyyətini eşitməlidir](https://turan.az/resized/media/2015/main/031900110403-750-500-resize.webp)
Bəşir Süleymanlı: Hökumət vətəndaş cəmiyyətini eşitməlidir
Seçkilərin Monitorinqi və Demokratiyanın Tədrisi Mərkəzinin icraçı direktoru, hüquq müdafiəçisi Bəşir Süleymanlı prezident İlham Əliyevin dünənki əfv fərmanı ilə həbsdən azad edilib. Süleymanlı “Amerikanın Səsi”nə müsahibəsində bildirib ki, o, daha çox siyasi məhbusun əfv olunacağını gözləyirmiş.
“Bir az məyus oldum. İstərdim ki, əfv daha çox siyasi məhbusu əhatə etsin. Fikirləşirdim ki, hardasa 10-dan çox sisyasi məhbus azadlığa çıxa bilər. Arzu edirəm ki, növbəti əfvdə daha çox siyasi məhbusu azadlıqda görək”.
O, ittihamlarla bağlı deyib ki, “biz bu əməlləri törətməmişik”.
“Mənimsəmə, vergidən yayınma kimi ittihamlar QHT-lərə şamil oluna bilməz. Çünki QHT qrant əsasında işləyir və qrantın mənimsəmə mexanizmi yoxdur. Hətta mənimsəmə olsa da, qrantın qaytarılma mexanizmi yoxdur. Belə ki, mənimsənilən pulun qaytarılacağı ünvan da yoxdur. Vergidən yayınma da QHT-lərə aid deyil, çünki əlavə dəyər vergisindən azaddırlar. Təbii ki, bizi mənimsəmədə, vergidən yayınmada, qanunsuz sahibkarlıqda ittiham etmək əsassızdır”, deyə Süleymanlı qeyd edib.
Hüquq müdafiəçisi hesab edir ki, hazırda həbsdə olan QHT fəalları da azadlığa buraxılmalıdır.
“Azərbaycanda QHT-lər, vətəndaş cəmiyyəti üçün normal mühit yaradılmalıdır. Çünki vətəndaş cəmiyyəti dövlətin inkişafına xidmət edən bir nömrəli institutlardır”.
O, hüquq müdafiəçisi kimi həbsxanalar və istintaq təcridxanalarında saxlandığı zaman müşahidələr aparıb və təklifləri var.
“Həbs yerlərində əvvəlki illərlə müqayisədə məhbuslara qarşı münasibətdə yumşalma var. Amma bütün hallarda islahatlara ehtiyac var. Mən Ədliyyə, Penitensiar sistemdə islahatlarla bağlı yeni təklifklər üzərində işləmək istəyirəm. Məhbusların saxlanması ilə bağlı da yeni münasibət olmalıdır. Bir neçə dəfə həbsdə olanlarla, ilk dəfə həbsdə olanları eyni müəssisədə saxlamaq düzgün deyil”.
Süleymanlı həbsdə olan insanlar arasında 35 yaşa qədər olanların çoxluq təşkil etdiyini bildirib.
“Cinayətlərin spektrində isə narkotiklə bağlı cinayətlərdə ittiham edilənlər çoxluq təşkil edir. Hesab edirəm ki, ölkədə narkotik alverinin, qaçaqmalçılığının qarçşısının alınması istiqamətində sosial tədbirlər həyata keçirilməlidir. Həbslə bu cinayətlərin qarşısını almaq mümkün deyil”.
O, hökumətin QHT-lərin təkliflərini müzakirəyə çıxarmasını vacib sayır.
“Hökumət vətəndaş cəmiyyətini eşitməlidir. Onların təkliflərini qiymətləndirməlidir, əməkdaşlığa açıq olmalıdır. İctimiayyət də vətəndaş cəmiyyəti ilə işləməyə hazır olmalıdır”.
Süleymanlı ona dəstək olduğuna görə yerli və beynəlxalq ictimaiyyətə, mediaya və jurnalistlərə minnətdarlıq edib. -03B-
Sual-cavab
-
Dövlət Departamentinin nümayəndəsi, Avropa və Avrasiya məsələləri üzrə Büronun Avropa təhlükəsizliyi və siyasi məsələlər İdarəsinin direktoru Liam Uesli Turan-ın Vaşinqtondakı müxbiri Aleks Raufoğlu ilə müsahibəsində NATO-nun Ukraynanın müdafiəsi ilə bağlı planları haqqında danışıb.
-
Ölkənin ən təcrübəli dövlət və siyasət adamlarından biri Sadettin Tantan Turan İnformasiya Agentliyinin suallarını cavablandırdı
-
Al-Jazeera kanalı Türkiyə bürosunun əməkdaşı Yılmaz Akıncı “Peşimdeki melek” adlı xatirələr kitabının işıq üzü görməsindən sonra Turan İnformasiya Agentliyinin suallarını cavablandırdı
-
Sahibkarlığın və Bazar İqtisadiyyatının İnkişafına Yardım Fonduna rəhbərlik edən nüfuzlu ekspert Sabit Bağırov Turan agentliyinə eksklüziv müsahibəsində BMT-nin İqlim Dəyişikliyi haqqında Çərçivə Konvensiyasının tərəflərin 29-cu Konfransının (KX29) ev sahibi kimi ölkənin qarşıdakı roluna işıq salır.
Rəy yaz