![Ramid Nağıyev, Ayət İsmayılov](https://turan.az/resized/media/2023/main/102100068392-750-500-resize.webp)
Ramid Nağıyev, Ayət İsmayılov
AXCP-nin iki fəalı həbsə məhkum edilib
Bakı/21.10.23/Turan: Oktyabrın 20-də Bakı şəhəri Binəqədi Rayon Məhkəməsi hakim Vüsal Tağıyevin sədrliyi ilə Azərbaycan Xalq Cəbhəsi Partiyasının (AXCP) Binəqədi Rayon Şöbəsinin sədri Ramid Nağıyevi və bir AXCP Beyləqan Rayon Şöbəsinin fəalı Ayət İsmayılovu İnzibati Xətalar Məcəlləsinin 510 (xırda xuliqanlıq) və 535.1-ci (polisin qanuni tələbinə tabe olmamaq) maddələri ilə günahlı bilərək inzibati həbsə məhkum edib.
Bu barədə Məhkəmə-Hüquq Şurasının elektron məhkəmə portalında məlumat yayılıb.
AXCP-nin məlumatına görə, partiyanın hər iki fəalı 30 sutka inzibati qaydada həbsə məhkum edilib.
AXCP fəalların həbsini siyasi hesab edir.
“Demişdik axı, xalqın övladlarının qanı və canı bahasına əldə olunmuş hərbi zəfəri azad, müxalif fikirli insanların kütləvi repressiyası fürsətinə çevirməyin. Qarabağdakı anti - terror əməliyyatından sonra repressiyalar xüsusi vüsət alıb. Demək olar ki, hər gün hansısa ictimai - siyasi fəalı, cəbhəçini (AXCP üzvü-red) həbs edirlər. Hakimiyyət qalib xalqdan ram edilmiş, itaətkar xalq düzəltmək istəyir. Heç kim susub, öz repressiya olunmaq növbəsini gözləməsin. Həbs olunan hər bir ictimai - siyasi fəalı hamılıqla müdafiə etməli, həbs olunan fəalların da əvəzindən yazıb, tənqid etməliyik. Birimiz hamımız üçün, hamımız birimiz üçün!” AXCP sədri Əli Kərimli facebook səhifəsində yazıb.
AXCP bildirir ki, son günlər bu partiyanın sosial şəbəkələrdə tənqidi çıxışlarından sonra 8 fəalı inzibati qaydada həbs edilib.
Bununla yanaşı, Daxili İşlər Nazirliyi fəalın saxlanılması ilə bağlı hələ şərh verməyib.-03-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz