Bakı/17.09.18/Turan: "Adı çəkilən qəzada xəsarət alanların sayı 17 yox, 14 nəfərdir və onlar Sumqayıt Şəhər Təcilli Tibbi Yardım Stansiyasının xəstəxanasına gətiriliblər", - xəstəxanadan bildiriblər. Qeyd olunub ki, 14 nəfərdən 12-i ambulator baxışdan sonra evlərinə buraxılıb.
Amma bir qadın və bir uşaq hələ xəstəxanadadır. Onlar döş qəfəslərində ağırlıq hiss edirlər, bel hissədə sıyrıltı var. Ümumilikdə isə səhhətləri ağır deyil və yaxın günlərdə evlərinə buraxılacaqlar, xəstəxanadan bildiriblər.
Xatırladaq ki, sentyarın 16-dan 17-nə keçən gecə Sumqayıtdan Hacı Zeynalabdin qəsəbəsi istiqamətində hərəkətdə olan 3 saylı sərnişin avtobusu "Kamaz" markalı yük maşını ilə toqquşub.
Nəticədə avtobusda olan sərnişinlərdən 15 nəfəri xəsarət alıb. Yaralananlar dərhal Sumqayıt Şəhər Təcili Tibbi yardım xəstəxanasına çatdırılıb. Faktla bağlı araşdırma aparılır.--0--
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz