Bakı/06.03.20/Turan: Martın 5-də Bakıda Azərbaycan və Gürcüstan müdafiə nazirlərinin rəhbərliyi ilə iki ölkə hərbi nümayəndə heyətləri arasında danışıqlar aparılıb.
Zakir Həsənov və İrakli Qaribaşvili hərbi sahədə ikitərəfli əməkdaşlıq və regionda təhlükəsizlik məsələlərini, o cümlədən iqtisadi layihələrin təhlükəsizliyi, habelə ikitərəfli əsaslarla, NATO çərçivəsində və Azərbaycan-Türkiyə-Gürcüstan formatında üçtərəfli əsasda həyata keçirilən proqramları müzakirə ediblər.
Həmsöhbətlər əməkdaşlığın genişləndirilməsinə tərəfdar olduqlarını bildiriblər, hərbi, hərbi-texniki, hərbi-təhsil, hərbi-tibb sahələrində əlaqələrin möhkəmləndirilməsi, birgə hərbi təlimlərin keçirilməsi və işçi görüşlərin təşkili barədə fikir mübadiləsi aparıblar. Bu barədə Azərbaycan Müdafiə Nazirliyinin mətbuat xidmətinin məlumatında bildirilib.
Əlavə edək ki, həmin gün İ.Qaribaşvili prezident İlham Əliyevlə də görüşüb. 02D-
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz