Bakı/25/08/17/Turan: Baş ofisi Nyu-Yorkda yerləşən Jurnalistləri Müdafiə Komitəsi Turan agentliyinin direktoru Mehman Əliyevin saxlanılmasını pisləyib və onu dərhal azad etməyə çağırıb.
JMK-nin Avropa və Mərkəzi Asiya üzrə proqram koordinatoru Nina Oqnyanova bildirib ki, Azərbaycan hakimiyyəti Turan-a və Mehman Əliyevə qarşı siyasi motivli təzyiqə son verməlidir.
Onun sözlərinə görə, hakimiyyət cinayət məcəlləsindən müstəqil mətbuatın təqibi üçün istifadə edir.
Öz növbəsində, ABŞ-ın Helsinki Komissiyasının həmsədri, senator Ben Kardin Əliyevin saxlanması ilə bağlı narahatlığını bildirib.
"Mən həddindən artıq narahatam. Azərbaycanlılar azad mətbuata və azad fikrə layiqdirlər", deyə o, öz mikrobloqunda yazıb.
ATƏT-in KİV azadlığı üzrə nümayəndəsi Harlem Dizer öz tvitter hesabında yazıb ki, Mehman Əliyevin saxlanılması haqqında məlumatlardan çox narahatdır. -06B-
Siyasət
-
Azərbaycan Prezidenti İlham Əliyev cümə axşamı 2005-ci ildə təsdiq edilmiş məxfi məlumatların siyahısına dəyişiklik edilməsi ilə bağlı fərman imzalayıb. Dəyişikliklər, Azərbaycan Respublikasının Milli Məclisi tərəfindən 22 dekabr 2023-cü ildə qəbul edilmiş “Mühasibat uçotu haqqında” və “Dövlət sirri haqqında” qanunlara edilən düzəlişlərə uyğundur.
-
Yanvarın 23-də Bakı Apellyasiya Məhkəməsi hakim Zamin İbrahimovun sədrliyi ilə “Meydan TV”nin jurnalisti Natiq Cavadlı barədə seçilmiş həbs qətimkan tədbirnin ev dustaqlığı imkan tədbiri ilə əvəz edilməsi barədə vəsatətin təmin edilməməsi barədə Xətai Rayon Məhkəməsinin qərarından verilən şikayəti təmin etməyib. Məhkəmə jurnalisti həbsdə saxlayıb.
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
Rəy yaz