Bakı/24.08.19/Turan: İsrail dronlarının Azərbaycan ərazisindən İraqdakı hədəflərə hücum etməsi haqqında iddialar yalan məlumatdır, bu barədə Azərbaycan Müdafiə Nazirliyi bildirib.
İki gün əvvəl Əbu Mahdi əl-Muhandis - Əsəd rejiminin nəzarəti altında olan əl-Haşdaş-Şaabi qruplaşmasının komandir müavini bu iddia ilə çıxış edib.
Onun sözlərinə görə, Azərbaycan ərazisindən guya oraya Amerikalılar tərəfindən yerləşdirilmiş dörd İsrail pilotsuz uçan aparatı İraqı bombalayır. Muhandis həmçinin iddia edirdi ki, İraq tərəfində Azərbaycanda yerləşən pilotsuz uçan aparatların uçuşları, enişləri və əməliyyatları haqqında bütün məlumatlar var.
Amma o, Azərbaycandan dronların İran ərazisindən keçərək İraqa qədər necə uça biləcəyini izah etməyib.
Öz növbəsində, İsrail etiraf edib ki, bu ölkənin qüvvələri İraqda İranyönlü hərbi qruplaşmaların bazalarına bir neçə hücum həyata keçirib.
Haşd aş-Şaabi koalisiyasına gəlincə, bu, İraq hökuməti tərəfində mübarizə aparan birləşmiş 40 şiə, yezid və xristian dəstəsidir.
Koalisiyaya İraq hökuməti və İran İslam İnqilabı Keşikçiləri Korpusu sponsorluq edir.
Əbu Mahdi əl-Muhandis özü ABŞ-da terrorçu kimi tanınıb. -02D-
Siyasət
-
Yanvarın 28-də Rusiyanın Azərbaycandakı səfiri Mixail Yevdokimov Xarici İşlər Nazirliyinə dəvət olunub.
-
İkinci Qarabağ Müharibəsindən sonra Azərbaycanın irəli sürdüyü nəqliyyat layihəsi - Zəngəzur dəhlizi beynəlxalq gündəliyə salınıb. Bu barədə prezident İlham əliyev çərşənbə axşamı nəqliyyat üzrə müşavirədə bildirib.
-
Yanvarın 28-də Bakı Ağır Cinayətlər Məhkəməsində fəal Möhyəddin Orucovun işi üzrə növbəti iclas keçirilib. Fəalın saxlanılmasında iştirak etmiş polis şahid qismində çıxış edib.
-
Yanvarın 27-də Strasburqda Avropa Şurası Parlament Assambleyasının qış sessiyasında 2024-cü ildə üzv dövlətlərin vəziyyətilə bağlı müzakirələr aparılıb. Yekunlara əsasən, 2580 saylı qətnamə qəbul edilib. Qətmanədə deyilir ki, Avropa Şurası Parlament Assambleyası 14 ölkədə vəziyyəti izləyən Monitorinq Komitəsinin işini yüksək qiymətləndirir.
Rəy yaz