Nyu- York/18.08.17/Turan: Nyu- Yorkda yerləşən Jurnalistlərin Müdafiə Komitəsi (JMK) Azərbaycan hakimiyyətini ölkənin yeganə müstəqil informasiya agentliyi olan Turan-a təzyiqlərin dayandırılmasına və agentliyin normal fəaliyyəti üçün şəraitin yaradılmasına çağırır.
"Azərbaycan hökuməti dəfələrlə müstəqil və müxalifətyönlü medianı susdurmaq üçün siyasi motivli cinayət ittihamlarından silah kimi istifadə edib. Biz Azərbaycan hakimiyyətini Turan İnformasiya Agentliyinə qarşı siyasi motivli istintaqı dayandırmağa və müstəqil jurnalistləri "qanun pərdəsi" altında qorxutmağı dayandırmağa çağırırıq", - JMK-nin Mərkəzi Asiya üzrə koordinatoru Nina Ognianova bildirib.
Vergilər Nazirliyi Turan-a qarşı cinayət istintaqına başlayıb və bildirib ki, agentlik 37 min manat vergidən yayınıb.
Avqustun 16-da agentliyin ofisində axtarış aparılıb, sənədlər və elekron daşıyıcılar götürülüb. Turan vergidən yayınma barədə fikirləri qəti şəkildə inkar edir, istintaqı qərəzli sayır və öz peşə fəaliyyətilə əlaqələndirir. Agentlik Vergilər Nazirliyinin qərarından məhkəməyə şikayət verib.-16D06-
Siyasət
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
-
ABŞ Dövlət katibi Marko Rubio cümə günü əksər mövcud xarici yardım qrantlarının 90 gün müddətinə dayandırılmasını əmr edən göstəriş imzalayıb. Bu qərar Dövlət Departamenti rəsmilərini şoka salıb və Politico-nun məlumatına görə, Ukraynaya hərbi yardımın maliyyələşdirilməsini hədəfə alıb.
-
İranın Azərbaycandakı səfirliyinin müvəqqəti işlər vəkili Seyid Cəfər Ağayi Məryan Xarici İşlər Nazirliyinə (XİN) çağırılıb, bu barədə Azərbaycan XİN-in yanvarın 25-də yaydığı məlumatda bildirilir.
Rəy yaz