Azərbaycanlı idmançı Ramil Quliyev Türkiyəyə qızıl medal gətirib
Bakı/11.08.17/Turan: Londonda keçirilən dünya çempionatında Türkiyəni təmsil edən Azərbaycanlı yüngül atlet Ramil Quliyev 200 metr məsafəyə qaçış üzrə çempion olub. O, 20,09 saniyəlik nəticə göstərib.
Quliyevin uğuru gözlənilməz olub, belə ki, finalın favoritləri CAR-dan Vayde van Nikerka və Botsvanadan Afrika rekordçusu İsaak Makvala idi.
Quliyev van Nikerkadan 0,02 saniyə tez gəlib.
Quliyev qələbədən sonra həm Azərbaycan, həm də Türkiyə bayrağını qaldırıb.
Azərbaycanın idman rəhbərliyi vaxtilə legionerlərin ardınca qaçarkən Quliyevə layiqincə qiymət verməyib və o, Türkiyəyə getmək məcburiyyətində qalıb, 2011-ci ildə bu ölkənin vətəndaşlığını qəbul edib.
Ötən il Ramil Quliyev Avropanın vitse-çempionu olub. -06D-
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz