Açiq mənbələrdən foto.
Deputat Türkiyənin sosial şəbəkələrin tənzimlənməsi təcrübəsindən istifadə etməyi təklif edir
Bakı/02.02.22/Turan: Sosial şəbəkələr haqqında xüsusi bir qanunun qəbul edilməsi zəruridir. Bu barədə Turan-a Milli Məclisin deputatı Elman Nəsirov deyib.
Onun sözlərinə görə, bu, artıq ictimai sifarişdir. "Mən bu məsələni parlamentdə qaldırmışam. Çünki sosial şəbəkələr yeganə bir yerdir ki, heç bir qanunla tənzimlənmir. Orada anarxiya hökm sürür".
O qeyd edib ki, hazırda söhbət mexanizmlərdən gedir. "Biz bu sahədə qardaş Türkiyənin təcrübəsini nümunə götürə bilərik. 2020-ci ildə Türkiyə parlamenti "Sosial şəbəkələr haqqında" Qanun qəbul etdi. Həmin qanuna əsasən, sosial şəbəkə seqmentlərinin, yəni Facebook, YouTube, Twitter və digərlərinin Türkiyə ərazisində hər birinin gündəlik istifadəçilərinin sayı 1 milyonu ötərsə, onlar ölkədə nümayəndəlik açmalıdır və bu sahədə qeyri-qanuni hərəkətləri tənzimləməlidir".
Deputat qeyd edib ki, nümayəndəlik açılandan sonra həmin sosial şəbəkədə Türkiyə qanunvericiliyinə zidd kontent yerləşdirilərsə, hökümət nümayəndəliyi həmin kontenti silmək üçün 2 sutka vaxt verir. "Bu baş verməsə, Türkiyə höküməti həmin şirkəti 700 min dollar cərimə edir".
Deputat qanundakı digər təsir mexanizmindən də söz açıb. "Facebook, Twitter və digər şirkətləri həmin qanuna riayət etmədikləri təqdirdə Türkiyə şirkətlərinə həmin sosial şəbəkələrdə reklam yerləşdirməyi qadağan edir. Eyni zamanda, xəbərdarlıq edilir ki, internetin sürəti kəskin şəkildə azaldılacaq".
Nəsirov vurğulayıb ki, Türkiyə artıq 1 milyon dollara yaxın cərimə tədbiq edib. "Hamı elə bilirdi ki, YouTube, Facebook üçün Türkiyə balaca bir bazardır və bu nəhəng şirkətlərə bu addımların heç bir təsiri olmayacaq. Amma məsələnin gedişatı göstərdi ki, bu şirkətlərin ən zəif nöqtəsi puldur. Maliyyə sanksiyaları başlayan kimi məsələ öz həllini tapdı".
Deputatın sözlərinə görə, "Sosial şəbəkələr haqqında" Qanunun qəbulu Cinayət Məcəlləsinin 147 (böhtan) və 148-ci (təhqir) maddələrinin dekriminallaşdırılması üçün əsas olmayacaq. -21D06-
Cəmiyyət
-
Azercell və Cüdo Federasiyasının “Doğru yol budur” layihəsi öz töhfəsini verir! “Azercell Telekom” MMC-nin Azərbaycan Cüdo Federasiyası ilə birgə əməkdaşlıqda həyata keçirdiyi "Doğru yol budur" sosial kampaniyasına qoşulanların sayı hər gün artır. Artıq Azərbaycanın müxtəlif bölgələrindən 700-dən çox şəxs bu çağırışa cavab verərək mütəmadi məşqlərdə iştirak edir. Layihə cəmiyyətimizdə, xüsusilə də gənclər arasında narkomaniyanın fəsadlarına diqqət çəkməklə yanaşı, sağlam həyat tərzinin təbliğatına və idmana olan marağın artırılmasına yönəlib.
-
Dövlət Sərhəd Xidmətininin dövlət tərəfindən əhəmiyyətli dərəcədə maliyyələşdirilməsinə baxmayaraq, Azərbaycanın narkotik vasitələrin qanunsuz dövriyyəsinə qarşı mübarizəsi səmərəsiz olaraq, qalır, Prime TV telekanalının sahibi Aygün Muradxanlı belə hesab edir. Rəhbərlik etdiyi şirkət tərəfindən hazırlanmış “Hibrid müharibələrin narkotik tərəfi” filminin müzakirəsində çıxış edən Muradxanlı alternativ strategiyalara ehtiyac olduğunu qeyd edib.
-
2023-cü ildə Azərbaycanda 8 min 631 nəfər təhsil haqqını ödəmədiyinə, dərs buraxdığına görə və ya öz xahişi ilə təhsil aldığı müəssisədən xaric edilib. Bu barədə "Abituriyent" jurnalının 12-ci nömrəsində qeyd edilib. Bu da 2022-ci il ilə müqayisədə 9.8 faiz artım deməkdir. Bəzi mütəxəssislər xaric olunmaların əsas səbəbi kimi tələbələrin təhsil haqqını ödəyə bilməmələrini göstərirlər. Azərbaycanda təhsil haqqı universitetə, ixtisasa görə fərqlidir və illik olaraq 1 min 500-6 min 500 manat aralığında dəyişir.
-
Dövlət Sərhəd Xidməti və Dövlət Təhlükəsizliyi Xidmətinin birgə keçirdiyi əməliyyat tədbirləri nəticəsində Xəzər dənizindən dövlət sərhədini pozmaqla Azərbaycan Respublikası ərazisinə külli miqdarda narkotik vasitəni keçirməyə cəhd göstərən mütəşəkkil qaçaqmalçı qrupun üzvləri saxlanılıb.
Rəy yaz