![Filippinli dayənin şikayəti üzrə məhkəmə](https://turan.az/resized/media/2014/main/041400075479-750-500-resize.webp)
Filippinli dayənin şikayəti üzrə məhkəmə
Ağır Cinayətlər Məhkəməsində İradə Həsənzadənin sədrliyi ilə Filippin vətəndaşı Lianta Fediazın döyülməsi haqqında iş üzrə növbəti iclas keçirilib. Bu iş üzrə təqsirləndirilən şəxs Azərbaycan vətəndaş Aynur Mehdiyevadır, ona qarşı 144-1.2.8 (insan alveri) və 144-2.1 (məcburi əmək) maddələri üzrə ittiham irəli sürülüb.
İstintaq materiallarına görə, Mehdiyeva 13 iyun 2013-cü ildə DİN-in traffikinqə qarşı mübarizə İdarəsinin əməliyyatı zamanı saxlanılıb. O, azyaşlı uşağı olduğu üçün həbs edilməyib.
Filippin vətəndaşının hüquqlarını “Miqrasiya Mərkəzi” QHT-nin rəhbəri Əlövsət Əliyev müdafiə edir.
Onun sözlərinə görə, Mehdiyeva filippinli qadınla oğluna baxmaq üçün 2 illik müqavilə bağlayıb. Lakin faktiki olaraq, onu evdə bütün digər işləri də görməyə məcbur ediblər. Bu zaman Fediazın pasportu əlindən alınıb və hüquqları məhdudlaşdırılıb.
Vəkil bildirib ki, Mehdiyevaya qarşı iddiada digər tələblərlə yanaşı, 18200 manat mənəvi kompensasiya nəzərdə tutulub.
“İşdə kifayət qədər dəlil var və biz ağır hökm gözləyirik”, deyə vəkil bildirib.
İstintaqa görə, filippinli qadın döyülməyə və alçaldılmaya məruz qalıb. Lakin bugünki iclasda şahidlər – qonşular və evin mühafizəçisi Mehdiyevanın filippinli qadını incitmədiyini iddia ediblər. Şahidlərdən biri – Günel Məmmədova bildirib ki, filippinli qadının əlində qançır görüb.
“Qançır dayənin uşağın əlindən bıçağı alarkən yaralanmasının nəticəsidir, mən isə onun əlinə yod sürtdüm, bundan sonra qançıq əmələ gəlib”, deyə Məmmədova bildirib.
Daha sonra prokuror filippinli qadından necə yaralandığını soruşub. Lianta Fediaz deyib ki, bu, sahibinin qayçı ilə onu vurması nəticəsində baş verib. “O, əvvəlcə başımdan vurdu, sonra isə qayçı ilə kürəyimə vurdu”, deyə filippinli qadın bildirib.
İş üzrə növbəti iclas aprelin 21-nə təyin edilib. Müttəhim və vəkili jurnalistlərlə söhbət etməkdən imtina ediblər. Qeyd edək ki, Aynur Mehdiyeva prokurorluq işçisi, Gültəkin Hacıbəylinin keçmiş əri Mahmud Mehdiyevin bacısıdır.
Hüquq müdafiəçilərində olan məlumata görə, Azərbaycanda 900-ə yaxın filippinli var, onlar əsasən dayə və qulluqçu kimi işləyirlər. Eyni zamanda, Miqrasiya Xidmətinin məlumatına görə, ölkədə cəmi 20 filippinli var.
Əlövsət Əliyev hesab edir ki, əcnəbi işçilərin hüquqlarının pozulması faktları çoxdur, amma əksəriyyət şikayət etməməyi üstün tutur və onların hüquqları heç bir şəkildə müdafiə olunmur. -16В-
-
- İqtisadiyyat
- 15 Aprel 2014 12:28
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz