“Qadın Krizis Mərkəzi”nin rəhbəri Mətanət Əzizovanın həyat yoldaşı çərşənbə axşamı saat 12:00-da ölkə prokurorluğuna çağırılıb. Bu haqda M.Əzizovanın anası, hüquq müdafiəçisi Mirvari Qəhrəmanlı öz “facebook” səhifəsində yazıb.
Onun sözlərinə görə, bu çağırışın məqsədi müxtəlif təzyiqlər vasitəsilə M.Əzizovanın yerini öyrənməkdir. Hüquq müdafiəçisi qızının mənzilinin daimi nəzarət, ailəsinin isə daimi təhlükə altında olduğunu bildirib.
“Mətanətin atası da, anası da mənəm, mayın 12-də Bakıya qayıdacağam”, - deyə M.Qəhrəmanlı İndoneziyadan ölkəyə dönəcəyini qeyd edib.
Hazırda həbsdə olan tanınmış jurnalist Rauf Mirqədirovun işilə bağlı hüquq mühafizə orqanları ötən həftə M.Əzizovanın evində axtarış aparmaq istəyib. Eyni iş üzrə tanınmış hüquq müdafiəçisi, Sülh və Demokratiya İnstitutunun rəhbəri Leyla Yunusun evində və ofisində axtarış aparılıb. Qadın Krizis Mərkəzi SDİ ilə tərəfdaş qurumdur. -05D-
Cəmiyyət
-
Azərbaycanla Ermənistan növbəti mərhələdə delimitasiya işlərinin İranla sərhədə qədər başlanması barədə razılığa gəlib. Bununla bağlı yanvarın 16-da Azərbaycan baş nazirinin müavini Şahin Mustafayevlə ermənistanlı həmkarı Mher Qriqoryanın sədrliyi ilə iki ölkənin dövlət sərhədinin delimitasiya və təhlükəsizliyi komissiyalarının iclasında razılıq əldə edilib.
-
Yanvarın 20-də Bakıda və Abşeron yarımadasında yağışlı və küləkli hava şəraiti gözlənilir. Bu barədə meteoroloji proqnozlarda məlumat verilib.
-
18 yanvar tarixində Azərbaycan üzrə hava proqnozu ölkənin müxtəlif bölgələrində dəyişkən hava şəraiti gözlənildiyini, bəzi ərazilərdə yağışın olacağını bildirir.
-
“Azercell” istifadəçilərə daha rahat xidmət təcrübəsi təqdim etmək məqsədilə öz mobil tətbiqinə "Qonaq girişi" funksiyasını əlavə edib. Bu yenilik bütün istifadəçilərə Azercell-in müxtəlif xidmət və məhsullarını daha əlçatan edir.
Rəy yaz