Талех Хасмамедов
Bakı/11.05.18/Turan: Hüquq müdafiəçisi Taleh Xasməmmədov qardaşı Valeh Xasməmmədova qarşı təxribatın olduğunu bildirib. Belə ki, Göyçay rayon sakini Zahid Əzizov mayın 10-da axşam V.Xasməmmədovun kafesinə gedib, stolun üzərindən qədəhi götürüb Valehin başına vurub. Sonra şüşə qırıntıları ilə Valehə xəsarət yetirib və kafeni tərk edib.
V.Xasməmmədov hüquq-mühafizə orqanlarına şikayət edib, ancaq heç bir tədbir görülməyib.
T.Xasməmmədovun sözlərinə görə, Z.Əzizov 2015-ci ildə ona qarşı təxribat törətmişdi. O zaman fəalı xuliqanlıq və bədən xəsarəti yetirmək ittihamı ilə 3 il azadlıqdan məhrum etmişdilər.
Sonradan T.Xasməmmədov əfv edilib və azadlığa buraxılıb. Lakin apreldə yenidən onun barəsində yol polisi əməkdaşına qarşı xuliqanlıq törətmək ittihamı ilə cinayət işi qaldırıblar.
T.Xasməmmədovun korrupsiya və insan hüquqları haqqında yazılarına görə yerli hakimiyyətlə onun arasında münaqişə yaranıb.-06D-
Cəmiyyət
-
Yeni il gecəsinin sakitliyində, atəşfəşanlıqlar Zaqatalanın səmasını işıqlandırarkən, daha qaranlıq bir mənzərə baş verirdi. Şəhər kənarındakı Danaçı poliqonunda toplaşan təxminən 15 sahibsiz it naməlum şəxslər tərəfindən güllələnmişdi. Hadisə atəşfəşanlıqların yaratdığı səs-küy ilə üst-üstə düşərək, bu dəhşətli aktın səhərə qədər fərq edilməməsinə səbəb oldu.
-
“Azərbaycan Dəmir Yolları” QSC (ADY) yanvarın 3-dən Bakı–Balakən–Bakı marşrutu üzrə sərnişin daşımalarının bərpa olunduğunu elan edib. İlk reyslərdə oturacaqların doluluq səviyyəsi 90%-dən çox olub ki, bu da xidmətə yüksək tələbatın olduğunu göstərir.
-
Azərbaycanın Milli Hidrometeorologiya Xidməti yanvarın 6-na olan hava proqnozunu açıqlayıb. Proqnoza görə, Bakıda və Abşeron yarımadasında dəyişkən buludlu və arabir yağışlı hava şəraiti gözlənilir.
-
Azərbaycan polisi yanvarın 4-də, o cümlədən əvvəlki dövrlərə aid bir cinayət də daxil olmaqla, ümumilikdə 32 cinayətin üstünü açıb. Bu barədə Daxili İşlər Nazirliyi məlumat yayıb.
Rəy yaz