Çərşənbə günü Vətəndaş Cəmiyətini Müdafiə Komitəsinin (VCMK) Helsinki Vətəndaş Assambleyası Milli Komitəsinin (HVAMK) ofisində iclası keçirilib.
Öncə vətəndaş cəmiyyəti fəalları üzərində məhkəmə proseslərinə toxunulub. Bu tipli məhkəmə prosesləri birmənalı şəkildə sifarişli məhkəmələr kimi dəyərləndirilib. Məhkəmə proseslərində vəsatətlərin qəbul olunmaması, istintaqın zərərçəkən kimi tanıdığı şəxslərin məhkəmədə bundan imtina etsələr də, bunun nəzərə alınmadığı vurğulanıb. Məhkəmə proseslərinin kiçik zallarda keçirilməsi, vəkillərə olan təzyiqlər nəzərə çatdırılıb. Bütün bu hallarla bağlı narahatlıq keçirdiyini bildirən komitə müraciət hazırlamağı qərara alıb.
İclasda ölkədə QHT sektorunun mövcud durumu müzakirə edilib. Bununla bağlı komitənin ölkə ictimaiyyətinə, Milli Məclisə, beynəlxalq qurumlara ünvanlanan müraciəti nəzərə çatdırılıb. Sənəddə son bir neçə ildə QHT-lərlə bağlı qanunvericilikdə qanunların mürtəceləşdirilməsinə diqqət yetirilir. Son bir ildə isə QHT-lərin görünməmiş miqyasda rəsmi Bakının təzyiqlərinə məruz qaldığı açıqlanır. 10-larla QHT ofisində axtarışlar aparılması, QHT rəhbərlərinin həbsi, hesablara həbs qoyulması, sənədlərin, avadanlıqların, şəxsi yazışmaların belə müsadirə olunması halları nəzərə çatdırılır. Bu sahədə başlanan istintaqların məqsədinin heç də hansısa cinayətləri üzə çıxarmaq istəməsi yox, müstəqil QHT-lərin varlığına son qoymaq olduğu deyilir. Sənəddə belə qurumların sıradan çıxarılması xalqla dövlət arasındakı “körpü”lərin yandırılması kimi dəyərləndirilir. Deputatlara bu sahədə qanunvericiliyin sadələşdirilməsi üçün təkliflər hazırlamaq çağırışı edilir.
Bundan əlavə, QHT sektorunun mövcud problemlərini müəyyən etmək üçün komitə 9 sualdan ibarət sorğu anketi hazırlayıb və doldurulması üçün müxtəlif platformalarda yayıb. Sorğu anketinin doldurulması üçün fevral ayının 3-ü son müddət olaraq göstərilib.
Komitə bütünlükdə III sektorun durumuna dair dəyərləndirmə hesabatı hazırlamağı da nəzəədə tutur. Hesabatın vətəndaş fəalları üzərində aparlan məhkəmələr, QHT-lərin maliyyə durumu, vəkillərə olan təzyiqlər, QHT-lərə basqılarla bağlı hüquq pozuntuları üzrə bölümlərinin olması nəzərdə tutulur. Bundan əlavə, sorğu anketinin də bölüm kimi hesabata daxil edilməsi qərara alınıb.
Komitə növbəti toplantını fevral ayının 3-nə təyin edib. -05C-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz