Goranboy rayon mərkəzində yaşayan bir qrup sakin istifadə etdikləri yolun bağlanmasından şikayət edirlər.
Onların sözlərinə görə, Goranboy rayonunun mərkəzində yerləşən "Univermaq" adlı mağazanın arxasındakı küçədə yaşayan sakinlər sakit həyatlarına maneə olacaq özbaşınalıqla qarşılaşıblar.
"Rayonun mərkəzində yerləşən köhnə statistika binasını obyekt kimi özəlləşdirən Nəbi adlı şəxs öz öbyektinin giriş qapısını bağlayaraq, onu yeni bir obyektə çevirir, əvəzində sakinlərin yaşadığı dar küçədən obyektinə "Kamaz"larla daş daşıtmaq üçün istifadə etmək istəyir. Bu icazəni obyekt sahibinə vermək bu küçədə yaşayan adamları, qocanı, uşağı saymamaq deməkdir", deyə sakinlər müraciətlərində bildirirlər.
Burada yaşayan sakinlər deyirlər ki, yaşadıqları küçə onsuz da müxtəlif obyektlərin arxasında yerləşən dar bir küçədir və küçədə hətta iki maşını yanaşı saxlayanda artıq yol bağlanır.
Müəlliflərə görə, burada sakinlərin rahatlığı pozulmaqla yanaşı, evlərinə gələn qonaqları da avtomobillərini burada saxlaya bilməyəcəklər.
"Bu biabırçılığa görə icra hakimiyyətinin başçısı Məhərrəm Quliyevə rəsmi şikayət məktubu ilə müraciət etsək də, heç kim maraqlanmadı. Bu özbaşınalığı ictimailəşdirərək, bizə kömək edin", deyə müəlliflər bildirirlər.
Goranboy icra hakimiyyətindən isə rayon sakinlərinin müraciətində yer alan narazılıqlarla bağlı əks edilən halları təkzib ediblər və deyilənləri əsassız adlandırıblar.
"Yol da, univermaq da, yoldan istifadə də qaydasındadır, hər hansı problem də yoxdur", icra hakimiyyətindən vəziyyəti belə dəyərləndiriblər.
Müraciəti Goranboy rayonu, H.Əliyev prospekti, Univermağın arxasındakı küçənin ev sahibləri: Səyyarə Dadaşova, Təranə Hüseynova, Sahibə Səmədova, Şəfəq Xəlilova, Qiyafət Allahverdiyeva imzalayıblar. -0-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz