Bakı/02.07.17/Turan: Vəkil Yalçın İmanov 12 saylı cəzaçəkmə müəssisəsində saxlanılan Azərbaycan İslam Partiyasının lideri Mövsüm Səmədova qarşı yeni təzyiq halları haqqında danışıb.
O, Səmədovun həyat və sağlanlığına görə narahatdır.
AİP fəalları, o cümlədən Səmədov 2011-ci ilin yanvarında həbs ediliblər və terrorçuluqda, hakimiyyəti zorla ələ keçirməyə cəhddə və digəri cinayətlərdə ittiham olunublar. 2011-ci il oktyabrın 7-də Bakı Ağır Cinayətlər Məhkəməsi onları bütün ittihamlar üzrə təqsirli bilib. Səmədov 12 il azadlıqdan məhrumetmə cəzası alıb. 2014-cü ilin payızında onun saxlanma şəraiti ağırlaşdırılıb və iki il müddətinə Qobustan həbsxanasına göndərilib. 2016-ci il noyabrın 28-də o, əvvəllər saxlanıldığı 12 saylı cəzaçəkmə müəssisəsinə qaytarılıb və ertəsi gün dərhal onu 15 günlük karserə salıblar və sonradan bir neçə dəfə cəza kamerasına salıblar. Bu əsaslarla iyunun 14-də Qaradağ rayon məhkəməsi cəzaçəkmə müəssisəsi rəhbərliyinin Səmədovun yenidən Qobustan həbsxanasına köçürülməsi haqqında təqdimatını təmin edib. Amma Apellyasiya Məhkəməsinin qərarı çıxana qədər Səmədov cəzaçəkmə müəssisəsində saxlanılır.
İyulun 1-də vəkil Yalçın İmanov cəzaçəkmə müəssisəsində Səmədovla görüşüb.
İmanov Turan-a bildirib ki, sən demə Səmədov yenidən 10 günlük karserə salınıb və oradan iyunun 30-da çıxıb.
Səmədov və digər məhbuslar karserdə məhbuslardan birinin əlləri və ayaqları bağlanmış şəkildə saxlanıldığını öyrəniblər. Onlar nəzarətçilərdən məhbusun əl-ayağının açılmasını xahiş ediblər. Amma cəzaçəkmə müəssisəsinin rəhbərliyi Səmədovun əməllərində "daxili intizam qaydalarının pozuntusu" olduğunu düşünüb və onu 10 günlük karserə salıb.
Bundan başqa, karserdən çıxdığı günün ertəsi Səmədov barəsində guya kamerada yoxlama zamanı onun üzərindən "ip" çıxığı haqqında akt tərtib edilib. Əslində isə bu, kiçik Quranı asmaq üçün incə ip olub. Akt tərtib edilməsinə baxmayaraq, hələlik Səmədova hansı cəzanın veriləcəyi məlum deyil.
"Səmədovun qapalı həbsxanaya köçürülməsi haqqında qərar qəbul edildikdən sonra belə onu rahat buraxmırlar. Cəzaçəkmə müəssisəsində cərimə, intizam cəzası tədbirlərinin davam etməsi suallar, Səmədova qarşı yeni planların və təhlükələrin ola biləcəyi haqqında ciddi şübhələr doğurur", deyən vəkil müvəkkilinin həyat və sağlamlığına görə narahat olduğunu bildirib.
Azərbaycan Penitensiar Xidmətindən hələlik şərh almaq mümkün olmayıb. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz