Azərbaycan-İsrail hökumətlərarası birgə komissiyanın yaradılması İsrailin baş naziri Benyamin Netanyahunun Azərbaycana səfərinin əsas yekunlarından biri olub.
Turan-ın məlumatına görə, ümumən standartlaşdırma, kənd təsərrüfatı,
ikiqat vergitutmanın aradan qaldırılması sahəsində əməkdaşlıq üzrə dörd sənəd imzalanıb.
Prezident İlham Əliyev və İsrailin baş naziri Benyamin Netanyahunun mətbuat üçün bəyanatları tərəflərin əməkdaşlıqdan məmnunluğunu ifadə edib.
Azərbaycan prezidenti deyib ki, birgə iqtisadi komissiyanın yaradılması ticarət dövriyyəsini artırmağa və onu şaxələndirməyə kömək edəcək.
«Ticarət dövriyyəsi yaxşı səviyyədə olsa da, bu, əsasən Azərbaycandan İsrailə neft ixracına görədir. Biz bunu şaxələndirmək və artırmaq üçün işləməliyik», deyə İ.Əliyev bildirib.
Azərbaycan prezidenti deyib ki, Azərbaycan və İsrail şirkətləri tərəfindən müdafiə avadanlığının alınması ilə bağlı imzalanmış müqavilələrin dəyəri 4 milyard 850 milyon dollardır. Bu müqavilələrin çox böyük hissəsi artıq həyata keçirilib.
Netanyahu öz növbəsində deyib ki, bizim energetika sahəsində möhkəm əlaqələrimiz var. “Bu gün sadəcə ölkəmizin neft idxalının ciddi bir hissəsi olan, Azərbaycanın İsraili təchiz etdiyi neftin satışı barədə yox, həm də təbii qazın ixracı üçün birgə müəssisələrimizdən istifadə haqqında danışırıq”.
Onun sözlərinə görə, İsrailə qaz idxalı Azərbaycandan Türkiyəyə inşası davam edən böyük boru xətti ilə (TANAP) olacaq.
Netanyahu qeyd edib ki, kənd təsərrüfatı, təhsil, informasiya texnologiyaları sahəsində də əməkdaşlığın genişləndirilməsi mümkündür.
Qeyd edək ki, İsrail ildə Azərbaycandan 12 mln ton neft alır. Bu, İsrailə neft tədarükünün 40%-i təşkil edir.
İsrail Azərbaycanın əmtəə dövriyyəsində 10-cu yerdədir. Bu ilin on ayında iki ölkə arasında əmtəə dövriyyəsi 471 mln 143 min dollar təşkil edib. İki ölkənin əmtəə dövriyyəsi Azərbaycanın xarici ticarətinin 3,33%-i təşkil edir. İsrail Azərbaycanın ixracatında 6-cı yeri tutur. Azərbaycandan İsrailə ixaracat 457 mln 799 min dollar və ya ümumi ixracatın 6,36%-i qədər olub. Azərbaycana idxal 13 mln 343 min dollar və ya idxalın 0,19%-i təşkil edib. 71D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz