![Bakı və Kiyev Odessa-Brodı layihəsini bərpa etmək istəyirlər](https://turan.az/resized/media/2016/main/071400161973-750-500-resize.webp)
Bakı və Kiyev Odessa-Brodı layihəsini bərpa etmək istəyirlər
Ukrayna prezidenti Petro Poroşenkonun cümə axşamı Bakı danışıqlarında əsas mözvulardan biri yanacaq-energetika sahəsində əməkdaşlıq məsələsi olub. Əsasən Ukrayna başçısı Azərbaycan məhsullarının çatdırılması üçün Ukraynanın tranzit imkanlarından istifadə məsələsini qaldırıb.
Azərbaycan investorlarının Ukrayna və Avropa yanacaq bazarına çıxışı üzrə konkret layihələr müzakirə olunub. “Biz hər vəchlə buna yardım edəcəyik”, - Poroşenko Əliyevlə görüşündə deyib.
İ.Əliyev birgə mətbuat konfransında bildirib ki, Odessa-Brodı layihəsinin reallaşması məsələsi müzakirə edilib. “Tapşırıq verilib ki, bu layihə bərpa edilsin, çünki Azərbaycan Avropa bazarı üçün böyük həcmdə neft göndərir və Mərkəzi Asiya ölkələrinin enerji resursları üçün tranzit ölkəyə çevrilir. Odur ki, bu layihənin bərpası yaxşı imkanlar yaradır”, - İ.Əliyev qeyd edib.
Öz növbəsində Poroşenko deyib ki, Ukrayna və Azərbaycan beynəlxalq təşkilatlar çərçivəsində əməkdaşlığı gücləndirəcəklər.
“Razılıqla qeyd etmək istəyirəm ki, aktual qlobal problemlər və regional gündəlik üzrə Kiyev və Bakının baxışları eynidir. Biz öz yanaşmalarımızı koordinasiya etmək, Ukraynanın BMT Təhlükəsizlik Şurasında üzvlüyünü nəzərə almaqla çoxtərəfli formatda qarşılıqlı əməkdaşlığı genişləndirmək barədə razılığa gəldik. Azərbaycan hər zaman Ukraynanı dəstəkləyib və 2016-2017-i illərdə onun sədrliyi dövründə Ukraynanın dəstəyinə ümid edə bilər”, - Poroşenko vurğulayıb.
Ukrayna başçısı suverenlik və ərazi bütövlüyü məsələsində Ukrayna və Azərbaycanın qarşılıqlı dəstəyinin vacibliyini qeyd edib.
O, Ukrayna dövlətinin suverenliyinin və ərazi bütövlüyünün, müstəqilliyinin dəstəklənməsində aydın mövqe tutduğuna görə İlham Əliyevə təşəkkür edib.
Ukrayna da öz tərəfindən Dağlıq Qarabağ məsələsində status-kvonun saxlanmasının yolverilməz olduğunu bildirib.
Prezident Əliyev qeyd edib ki, Ukrayna və Azərbaycan BMT, ATƏT, Avropa Şurası kimi beynəlxalq təşkilatlarda uğurla əməkdaşlıq edir.
Rəsmi səfər çərçivəsində Poroşenko baş nazir Artur Rasizadə ilə görüşüb. Söhbət zamanı energetika, nəqliyyat, kənd təsərrüfatı sahələrində birgə layihələr üzrə əməkdaşlıq müzakirə olunub.
Tərəflər beynəlxalq qəbul edilmiş sərhədlər çərçivəsində Ukrayna və Azərbaycanın suverenliyinin, ərazi bütövlüyünün dəstəkləndiyini bir daha bəyan ediblər.
* Odessa-Brodı neft kəməri 2001-ci ildə Odessa və Lvov vilayətinin Brodı şəhəri arasında inşa edilib və orada “Dostluq” neft kəməri ilə birləşdirilib. Uzunluğu 667 km., layihə gücü ildə 14,5 mln. ton neftdir.
2005-2010-cu illərdə revers rejimdə bu kəmərlə Qara dənizə Rusiya nefti nəql olunub.
2011-ci ildə Belarusa 1 mln. ton Azərbaycan nefti nəql edilib, lakin sonradan nəql dayandırılıb.-02D-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz