Diş məcunu istehlakı normadan 4,4 dəfə azdır

Rəsmi statistikaya inansaq, Azərbaycanda diş məcunu və ağız boşluğu və dişlərin gigiyenası üçün digər vasitələrdən istifadə tövsiyə edilən normadan – ildə 7 tübikdən 4,4 dəfə azdır.

Gömrük Komitəsinin məlumatına görə, 2013-cü ildə Azərbaycana 1 min 117,9 ton diş məcunu və ağıza qulluq vasitəsi gətirilib. Ötən illə müqayisədə (1 min 82,1 ton) idxal 3,3% artıb.

Diş məcunu və ağız boşluğu və dişlərin gigiyenası üçün digər vasitələrdən orta illik istifadə 120 ml və ya 2 tübikdir. Məsələn, Almaniyada 2009-cu ildə ildə 5,4 tübikdən istifadə edilib. Və ya Ermənistanda 2013-cü ildə adambaşına 160 ml diş məcunu idxal edilib. 

Diş məcunu və ağız boşluğu və dişlərin gigiyenası üçün digər vasitələr bazarının əsas oyunçuları “Colgate”( istehsalçıColgate Palmolive),  “Blend-a med” (Procter & Gamble), “Aguafresh” və “Sensodyne”dir (GlaxoSmithKline). Dövriyyənin 75%-i onların payına düşür.

Diş məcununun qiyməti 0,60-3,5 manatdır. Qiyməti 8 manata çatan üzvi tərkibli məcunlar da var. 

Rəsmi mənbələr yerli istehsal barədə məlumat vermir. Amma 2013-cü ilin gömrük hesabatında 6,2 ton ixracat barədə məlumat verilir.  

Diş məcunu Türkiyə (458 ton), Britaniya (239,9 ton), İsveçrə (211 ton), Almaniya (45,1 ton), Rusiya (97,4 ton), Polşa (22,8 ton), Ukrayna (5,4 ton), Gürcüstan (8,3 ton), Çin (7,4 ton), BƏƏ (3,7 ton), ABŞ (2,3 ton) və İtaliyadan (2,2 ton) idxal edilir.

Maraqlıdır ki, 1 ton diş məcunu və ağız boşluğu və dişlərin gigiyenası üçün digər vasitələr 1236,7 dollara idxal edilibsə, İsveçrədə bu göstərici $6000 bahadır. RF istehsalı diş məcunları $1570-a idxal edilir. 

Bu ilin I yarısında diş məcunu və ağız boşluğu və dişlərin gigiyenası üçün digər vasitələrin idxalı 436,5 ton, bəyannamə qiyməti $984,4 min olub.

2013-cü ildə 1 ton məhsul Azərbaycana $2710-a, Ermənistana $8560-a idxal edilib.

2013-cü ildə Gürcüstan (əhalisi 4,5 mln) $7 mln 145,5 min məbləğində diş təmizləmək vasitəsi idxal edilib. Bu, 2012-ci ildəkindən 13,5% çoxdur. 08B