Dövlət büdcəsinə vergi daxilolmaları 8,8% azalıb
Bu ilin beş ayında Vergilər Nazirliynin xəttilə dövlət büdcəsinə 2 mlrd. 882,7 mln. manat toplanıb. Vergilərin məcburi toplanması ilə bağlı bütün tədbirlərə baxmayaraq, nazirlik 2014-cü ilin həmin dövründə dövlət büdcəsinə köçürülən vəsaitin həcmi qədər göstəriciyə nail ola bilməyib.
Vergilər Nazirliyi analitik informasiya şöbəsinin məlumatına görə, toplanan vergilərin həcmi 271,9 mln. manat və ya ötən ilin beş ayında olduğundan 8,8% az təşkil edib.
Lakin məlumatda qeyd olunur ki, proqnozlar 101,6% yerinə yetirilib, halbuki, cari il üçün dövlət büdcəsinə yenidən baxılmayıb.
Qeyri neft-qaz sektorunun payına 1 mlrd. 905,8 mln. manat düşüb ki, bu da ötən ilin müvafiq dövrü ilə müqayisədə 11% azdır. Neft sektorundan vergi daxilolmalarının azalması nəticəsində qeyri neft-qaz sektorunun xüsusi çəkisi 66,9% olub (ötən il 55%).
2015-ci il üçün dövlət büdcəsinin icrası ilə bağlı vəziyyəti şərh edən müstəqil iqtisadçı Rövşən Ağayev deyib ki, bu ilin dörd ayında gəlirlər 1,1 mırd. manat təşkil edib ki, bu da 2014-cü ilin yanvar-aprel aylarında olduğundan
18% azdır. Onun proqnozlarına görə, əgər büdcənin icrasındakı bu azalma tempi sonrakı aylarda da davam etsə büdcə gəlirləri planlaşdırılan 18.6 milyard manat qarşı maksimum 16.5-17 milyard manat icra olunacaq. Belə olacağı tədqirdə proqnoz edilən xərcləri icra etmək üçün hökumətə əlavə 4.5 milyard manat vəsait lazım olacaq.
“Bunun təxminən 1.8 milyard manatı artıq var - büdcə ehtiyatı kimi saxlanan və büdcə kəsirini örtməyə yönəldiləcək sərbəst büdcə qalığını nəzərdə tuturam.
Ən azı 1.5-2 milyard manatın isə investisiya xərcləri hesabına ixtisarı indidən real görünür”, - ekspert bildirib.08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz