Azərbaycan hökuməti bank sistemini xilas etmək üçün kompleks tədbirlər görməlidir. Mayın 25-də Bakıda keçirilən “Bankların çağdaş durumu: dəyişikliklər üçün nə etməli?” mövzusunda dəyirmi masa ekspertlərinin qənaəti belə olub.
İştirakçıları yerli iqtisadçı ekspertlər, politoloqlar, tanınmış jurnalistlər və qeyri-hökumət təşkilatlarının üzvləri olan tədbirdə ölkə banklarının müxtəlif problemlərindən danışılıb. Amma qoyulan məsələlərə cavab bir olub – bank sisteminin də bir sahəsi olduğu bütün iqtisadiyyatda sistemli islahatlar zəruridir.
Problem ondadır ki, fərmanlar, qərarlar icra olunmur, dövlət vəziyyət barədə hesabat vermir, böhrandan çıxış yolları göstərmir. Demək, problem həllini tapmayacaq. Biz texniki resessiyadayıq, makroiqtisadi sabitlik pozulub, deyə ekspert Fuad Mirzəyev bildirib.
Azərbaycan Demokratiya və Rifah Hərəkatının rəhbəri, iqtisadçı Qubad İbadoğlu bank sektorunda böhranlı vəziyyəti əyani sübut edən statistik məlumatları açıqlayıb.
Onun sözlərinə görə, mayın 1-i üçün Azərbaycanda 43 bank fəaliyyət göstərib. Bunun 2-i dövlət, 41-i özəl bankdır. Xarici kapitallı bankların sayı 21-ə çatıb. İlin əvvəlindən 10 bank filialı və 2 nümayəndəlik bağlanıb.
Aprelin 1-i üçün bankların 5,5 mln müştərisi olub. Kredit kartlarının sayı 2015-ci ilin fevralından 1,3 mln ədəddən 780 minə azalıb. Bankların kredit portfeli 2015-ci il aprelin 1-dən 4,6% azalıb. Vaxtı keçmiş kreditlər ümumi kredit portfelinin 6,7%-i təşkil edir. Bank depozitlərinin sürətlə dollarlaşması baş verir. O, ümumi həcmin 81%-ə çatıb.
Mill Məclisə və Mərkəzi Banka ünvanlanan antiböhran tövsiyələri cəmiyyətə təqdim edilib. Ekspertlər fiziki şəxslərin müflis olması haqda qanun edilməsini, hüquqi şəxslərin iflasa uğraması haqda qanunun təkmilləşdirilməsini, ombudsman institutu yaradılmasını, problemli kreditlər agentliyi yaradılmasını, sığortalanan depozitlər üzrə faiz dərəcəsinin yüksəldilməsini, devalvasiyadan sonra məzənnə fərqindən yaranan itkilər dövlət, banklar və müştərilər arasında bərabər hissəslərə bölünməsini tövsiyə edirlər. Bank sektoru ilə bağlı 25 fundamental tövsiyə təqdim edilib.—0-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz