"Məxməri inqilab"dan yox, şist inqilabından qorxmaq lazımdır - ekspert

Neftin barreli $1 ucuzlaşanda Rusiya büdcəsi $2,2 mlrd itirir. Çünki ixracatın üçdə ikisi, büdcə gəlirlərinin yarıdan çoxu neft-qazdan formalaşır. Amma hər şeyin qaydaya düşəcəyini gözləməyə dəyməz, deyə RF Energetika və Maliyyə İnstitutunun mütəxəssisləri bildirir.

Amerika neftin $50-a düşməsini vecinə almır, sakitcə seyr edir deyə institutun əməkdaşı Nikolay İvanov məruzəsində bildirir. Əgər qiymət belə qalsa, hasilat sutkada 500 min barrel azalacaq, bu isə bazarda situasiyanı dəyişmək üçün yetərli deyil.

Arayış üçün: hazırda ABŞ sutkada 11,81 mln barrel hasil edir. 2014-cü ilin sonunda ABŞ  Rusiyanı ikinci yerə sıxışdıraraq (sutkada 10,93 mln barrel) liderliyə yüksəldi. Qaz hasilatında isə Rusiyanı 5 il əvvəl ötüb. Hər iki halda bu, şist texnologiyalar hesabına olub. O, qaz hasilatını 100%, neft hasilatını 95% artırmağa imkan verib.

"Şist inqilabı hələ indi başlayır – deyə Nikolay İvanov bəyan edib. – Bu, texnologiya məsələsidir. Hətta neft indiki qiymətdə qalsa da, hasilat artacaq".

Bununla belə, amerikalılar vəziyyətdən çıxış yolu tapıblar. Həmin yataqlarda onlar hasılatın hətta minimal qiymətlərdə də rentabelli qalacağı sahə və laylar tapıblar. Ekspertin sözlərinə görə, bu gün eyni şey neft hasılatı ilə bağlı da baş verir.

İvanovun sözlərinə görə, xülasə, şist hasılatı həm coğrafi, həm də iqtisadi nöqteyi-nəzərdən çox manevrlidir. Bununla yanaşı, şist nefti hasilatı ətraf mühit üçün daha az ziyanlı olur. Bu günə şist neft və qazı hasilatı üçün əsas əngəl məhz ekoloqların ehtiyatıanmasıdır. Ancaq Nikolay İvanovun fikrincə, texnologiyaların təkmilləşdirilməsi əhəmiyyətli dərəcədə bu problemi həll edib.

Ancaq ekspert iddia etmir ki, hər bir şist hasilatı apriori ekoloji cəhətdən ziyansızdır: "Hər bir işi yaxşı və pis, çirkli və təmiz etmək olar". –0--