2015-ci ildə Azərbaycan xaricdə 10,9 min ton əl-üz sabunu və başqa sabun alıb. Bu, əvvəlki ildəkindən 23% azdır.
Gömrük Komitəsinin məlumatına görə, 2015-ci ildə idxalçıar sabun alınmasına $9 mln 160,3 min xərcləyib. Bu, 2014-cü idəkindən 9% azdır.
Əgər 2014-cü ildə idxal sabununun tonu gömrükdə $710-a bəyan edilibsə, ötən il bu göstərici $840,25 olub. Beynəlxalq məlumatlara görə, Azərbaycana sabun 2201$/t-a ixrac edilir.
Azərbaycan DGK-nın məlumatları beynəlxalq göstəricilərdən ciddi fərqlənir. UN Comtrade-in (BMT-nin beynəlxalq ticarət üzrə informasiya bazası) məlumatına görə, 2014-cü ildə Azərbaycan 30-dək ölkədən müqavilə qiyməti $33,3 mln olan 15 min 126,6 ton sabun (əmtəə kodu 3401) alıb. Bu, Azərbaycan DGK-nın məlumatlarından natura ifadəsində 961,5 ton (6,4%), qiymət ifadəsində 3,3 dəfə fərqlənir. Sabun idxalında gömrük vergisi və rüsumu üzrə dövlət büdcəsinin potensial itkisi ən azı $12 mln təşkil edir.
Müəyyən edilib ki, 2014-cü ildə Türkiyədən Azərbaycana rəsmi sabun ixracı 9,8 min tondur ($19 mln 724 min). Azərbaycan gömrüyü bu malın 8 790 tonunu ($4 mln 189 min) rəsmiləşdirib.
Çexiya Azərbaycana 974,3 ton sabun ($2 mln 972 min) ixrac etdiyini bildirir. Azərbaycan gömrüyü cəmi 5,9 ton çex sabunundan “xəbərdardır”.
Rusiyadan Azərbaycana 3 112,6 ton sabun ($4,8 mln) göndərilib. Azərbaycan gömrüyündə 2014-cü ildə 952 ton Rusiya sabunu bəyan edilib ($2,9 mln).
Ukrayna ilə situasiya bir qədər fəqrlidir. Bu ölkə 2014-cü ildə Azərbaycana ümumi dəyəri 2 mln 183 min dollar olan 727 ton sabun ixrac edib. Bu müddət ərzində Azərbaycan gömrüyündən ümumi dəyəri 3 mln 391,4 min dollar olan Ukrayna istehsalı 1549,1 ton sabun keçib.
Statistikaya əsasən, 2015-ci ildə Azərbaycanda 60 qramlıq tualet sabununun bir ədədi 0,56 manatdan 0,64 manata qədər bahalaşıb. Bu ilin yanvarında pərakəndədə sabunun bir ədədi 0,70 manatdan ucuz olmayıb.
Rəsmi məlumatlara görə, ölkənin sabuna olan ehtiyacının 96%-i idxal hesabına ödənir. 2014-cü ildə 523 ton sabun istehsal olunub, bu da 2010-cu ildən 2 dəfə azdır. İstehsal müəssisələri Sumqayıt, Şirvan və s. şəhərlərdə var. 08B
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz