Bakı/20.09.18/Turan: Bakının mədəni irsinin qorunub saxlanması məqsədilə noyabrın 1-dən 10-na qədər "Fantaziya" festivalı keçiriləcək. Tədbir Avropa İttifaqının Bakıdakı nümayəndəliyi tərəfindən təşkil edilib.
Sentyabrın 19-da mətbuat konfransında çıxış edən nümayəndəliyin rəhbəri Kyastutis Yankauskas bildirib ki, festivalda Aİ-yə üzv ölkələrin - Almaniya, Fransa, Yunanıstan, Polşa, Xorvatiya, Niderland, Macarıstan səfirlikləri tərəfdaş olacaq.
Festival çərçivəsində konsertlər, ekskursiyalar, seminarlar, film nümayişi, müsabiqələr təşkil ediləcək.
Festivalın adı Bakıdakı XIX əsrin sonlarında tikilmiş və Şərq və Qərb üslubunu birləşdirən memarlıq nümunəsi olan "Fantaziya" hamamından alıb. K.Yankauskas həmçinin bildirib ki, Avropada 2018-ci il mədəni irs ili elan edilib və buna görə Bakıda belə bir festivalın keçirilməsi təsadüfi deyil.
"Tədbir əhalinin mədəni irsin qorunub saxlanmasına marağının artırılmasına yönəlib. Azərbaycan Aİ-yə tərəfdaş ölkədir. Burada gözəl mədəni irs abidələri var. Hər bir köhnə şəhər yeni şəhərin simasını təşkil edir və bütün bunları qorumaq lazımdır".
Fransanın Azərbaycandakı səfiri Aureliya Buşez öz növbəsində bildirib ki, ölkəsi mədəni irsə xüsusi diqqət yetirir və buna görə festival çərçivəsində gənc Fransa memarları Bakıya gələcək.
Niderland səfiri Onno Kravers qeyd edib ki, Bakı ildən ilə yenilənir, amma Azərbaycanın paytaxtında İçəri şəhər kimi çox sayda mədəni irs abidəsi var və onların qorunub saxlanılmasına diqqət yetirilir. Xüsusən, səfirlik Bakının keçmişini və gələcəyini əks etdirəcək ağ-qara şəkillər fotosərgisi təşkil edir. -71D-
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz