Rasim Babayevin rus dilində işıq üzü görən “Üç plastik əcinnənin kələyi” romanını Azərbaycanın ədəbi həyatında hadisə saymaq olar.
Detektiv və psixoloji roman elementləri ilə zəngin əsəri triller adlandırmaq olar.
Romanın qəhrəmanları başgicəlləndirici olaylara cəlb olunurlar. Bura postsovet məkanında baş verən romantik rok-hərəkətlərdən tutmuş bugünkü olaylar da daxildir.
Romanda baş verənlər oxucunu daim gərginlik içində saxlayır, süjet xətlərini öncədən hiss etməyin mümkün olmaması isə əsərin əsas xüsusiyyətlərindən biridir.
Kinodramaturq Ramiz Fətəliyev qeyd edib ki “bu kitab kurortda oxumaq üçün deyil, yüngül gəzinti də deyil”. Məhz R.Fətəliyevn məsləhəti ilə müəllif hələ 2003-cü ildə yazdığı eyniadlı hekayənin əsasında roman yazmağa başlayıb.
Aprelin 18-də “Əli və Nino” kitab mağazasında keçirilən təqdimat mərasimində R.Fətəliyev bildirib ki, “yalnız müəllifdə özünə əminlik yaradıb və roman yaratmağa sövq edib”.
“Rasim fikirlərini, sonra isə süjet planlarını bölüşdü. Bir neçə hazır fraqmenti oxumağa verdi. Mən ora heç bir düzəliş, heç bir müdaxilə etmədim”, - R.Fətəliyev vurğulayıb.
Romanda çoxlu maraqlı, elmi-düşündürücü məqamlar var. Oxucu kibercinayətkarlıq, ağır rok, sualtı dünya, korrida və s. haqda çoxlu maraqlı bilgi əldə edir.
Kitabda həyatın müxtəlif məqamlarında qanunla ayaqlaşmayan qəhrəmanların timsalında xeyir və şər arasında mübarizə gedir.
“Lira Club” Beynəlxalq Yaradıcılıq Birliyinin baş koordinatoru Vadim Mansurov hesab edir ki, roman oxucunu o qədər ovsunlayır ki, hadisələri səhifədə yox, sanki ekranda görürsən.
Rasim Babayev Bakıda anadan olub. Bauman adına Moskva Ali Texniki Məktəbini bitirib. Tələbəlik illərində rok janrında musiqi bəstələyib, şerlər yazıb, “Arida Vortex” qrupunun vokalçısı olub.
2000-ci ildə Azərbaycana qayıdan R.Babayev jurnalistika ilə məşğul olub, ölkədə baş verən ictimai-siyasi hadisələri işıqlandırıb.
Kitabı “Əli və Nino” mağazalar şəbəkəsində əldə etmək olar.-06С-
Mədəniyyət
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
Rəy yaz