28 sentyabr multimedia rəssamı Maksim Tatarinstsevin “MONO” adlı fərdi sərgisinin açılışı baş tutub. Sərgi “ARTIM project space” məkanında yerləşir. Sərginin kuratoru Zəhra Məmmədovadır.
MONO - qədim yunan dilindən tək, tənha, mənasını ifadə edir. Sərgi 2 mərtəbədən ibarətdir. Sərgi süni intellekt, video, foto materiallardan istifadə olunaraq hazırlanıb. Sərginin əsas mövzusu absurd vəziyyətə düşmüş insanın sürətlə dəyişən reallığı mənalandırması haqqındadır.
Ekspozisiya rəssamın postimmiqrasiya dövrünün yaratdığı mənasızlıq və absurdluq hissi haqqında düşüncələri nəzərdən keçirməsini ehtiva edir. Müəllifin hazırkı subyektiv reallığını vurğulayır. Sərgi, bütövlükdə tamaşaçıya söylənilən şəxsi monoloq olsa da, ekspozisiya boyunca rəssam, süni intellektlə daimi dialoqdadır. Burada süni intellekt bir növ həll yolu göstərən bələdçi rolunu oynayır. Müəllifin absurd içində məna axtarışlarını, habelə sorğu-suallarını müşayiət edir. Sərgidə rəssam tənqidi sual ortaya qoyur: "Özümüzdən asılı olmayan hadisələrə kortəbii təslim olaq, yoxsa mübarizə aparaq?"
Sərginin 1-ci mərtəbəsində “Səssizlik danışır” adlı videoinstaliyasiya yerləşdirilib. Bu video süni intellekt(Aİ) tərəfindən yaradılmışdır. Video instaliyasiya müasir informasiya mühitində əldə edilən məlumatların düzgünlüyünü sorğulayır. Videoda Frans Kafkanın “Cəza koloniyasında” əsərindən bəhrələnərək hazırlanıb.
Sərginin 2-ci mərtəbəsində isə televizorlarda müxtəlif videolar və onlarla üzbəüz divarda müxtəlif yazılar olan foto stend yerləşdirilib. Sərgi 30 dekabra qədər davam edəcək.
Qeyd edək ki, Maksim Tatarinstsevin ARTIM incəsənət məkanında 2022-ci il noyabrın 10-da “SAFEZONE” adlı qrup sərgisində də işləri nümayiş olunub. 2009-cu ildən başlayaraq isə o müxtəllif şəhərlərdə keçirilən sərgilərdə işlərini nümayiş etdirib.
Maksim Tatarintsev 2014-cü ildə S. Stroganov adına Moskva Dövlət Bədii-Sənaye Akademiyasının "Mühit dizaynı" fakültəsini, 2018-ci ildə isə İ. Bakşteyn adına Müasir İncəsənət İnstitutunu bitirib. Onun yaradıcılığının əsas mövzusu şəxsiyyətin inkişafının mənbəyi kimi sosial mühitdir.
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz