Ötən şənbə Neftçala rayonunda, Heydər Əliyev adına mərkəzdə “258 nömrəli PDM-in ekipajı” sənədli filminin təqdimatı keçirilib.
Filmin qəhrəmanları 1993-cü il iyunun 12-də Ağdam rayonunun Mərzili kəndinin azad edilməsi uğrunda ağır döyüşdə məşhur erməni terrorçusu, Martuni istiqamətinin komandiri Monte Melkonyanı məhv edən sıravi döyüşçülərdir.
Ekipaj üzvlərindən biri – Asəf Mütəllimov əslən Neftçalalı idi. Filmin qəhrəmanın vətənində nümayiş etdirilməsi bir növ çəkiliş qrupunun onun həmyerliləri qarşısında hesabatı oldu.
Təqdimata gələn Neftçala və Biləsuvar (ikinci şəhid Şaiq Kəlbiyevin vətəni) ictimaiyyətinin nümayəndələri bu filmin böyük tərbiyəvi əhəmiyyətini qeyd ediblər.
“Asəf və Şaiq həyatları bahasına ən məşhur erməni komandirlərindən birini məhv ediblər. Bu gənclər Azərbaycan döyüşçüsünün ən yaxşı keyfiyyətlərini – cəsarət, silaha sadiqlik və həyatlarını qurban verməyə hazırlıq nümayiş etdiriblər. Ən əsası isə, bu sadə kəndli oğlanlar sübut ediblər ki, Azərbaycan əsgəri ən yaxşı erməni komandirini belə dəfn edə bilər”, deyə qəhrəmanların komandiri, polkovnik Xətai Baxşıyev bildirib.
Neftçala rayon icra hakimiyyətinin başçısı İsmayıl Vəliyev film müəlliflərinə təşəkkür edib, filmin gənc nəsil üçün böyük tərbiyəvi əhəmiyyətini vurğulayıb.
“Gənclər şəhidlərin xidmətlərini bilməli, onların xatirələrini qoruyub yaşatmalı, onlara bənzəməyə çalışmalıdır. Bu mənada film çox yaxşı imkandır”,- deyə o qeyd edib.
Xatırladaq ki, film Nəcəf Nəcəfov fondunun dəstəyi ilə çəkilib. Filmə aşağıdakı linkdə baxmaq olar: https://www.youtube.com/watch?v=d4ZbAGNkYGc -02В-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz