Açiq mənbələrdən foto.
Vaşinqton/06.05.23/Turan: Çərşənbə günü ABŞ bəyanatla çıxış edərək Rusiya hökumətinin Moskvadakı ingilis-amerikan məktəbinin "xarici agent" kimi tanınması barədə qərarına etirazını bildirib, Turan-ın Vaşinqton müxbiri məlumat verib.
Dövlət Departamenti bu addımı "yolverilməz" adlandırıb, qeyd edib ki, bu, Rusiya hökumətini ingilis-amerikan məktəbini bağlamağa məcbur edən hərəkətlər seriyasından sonuncusudur.
Məktəb 1949-cu ildə Moskvada ABŞ, Böyük Britaniya və Kanada səfirlikləri tərəfindən diplomatların və əməkdaşların uşaqları üçün təsis edilib və son vaxtlara qədər təxminən 1200 nəfər təhsil alıb.
"Rusiya hökumətinin (təqib üçün)- qanuni əsaslar olmadan-nüfuzlu, etibarlı və peşəkar təhsil müəssisəsini seçməsi narahatedicidir", - Dövlət Departamentinin rəsmi nümayəndəsi Metyu Millerin bəyanatında deyilir.
O əlavə edib: "74 il ərzində ABŞ və Rusiya hər iki tərəfin himayəsində olan uşaqların lazımsız əngəllər və ya təqiblər olmadan təhsil almaq imkanlarına malik olmasının təmin edilməsində qarşılıqlı marağımızı qəbul ediblər. Rusiya hökumətinin son hərəkətləri bu prinsipi birbaşa pozdu”.
Aleks Raufoğlu
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz