Azərbaycan XİN ermənilərin yaşayış məntəqələrini növbəti dəfə atəşə tutmasını pisləyib
Bakı/08.08.17/Turan: Azərbaycan XİN Ermənistan Silahlı Qüvvələrinin yaşayış məntəqələrini növbəti dəfə atəşə tutmasını pisləyib. Atəş nəticəsində 13 yaşlı Ramin Yusifov xəsarət alıb.
Avqustun 7-də Ermənistan Silahlı Qüvvələri Tovuz rayonunun Qaralar kəndini atəşə tutub. 13 yaşlı Ramin Yusifov yaralanıb. Bu barədə Azərbaycan XİN rəsmi nümayəndəsi Hikmət Hacıyev bildirib.
Ermənistanın bu vəhşiliyinin, xüsusilə iyulun əvvəlində Füzuli rayonunun Alxanlı kəndində iki yaşlı Zəhra Quliyevanın və onun nənəsinin ölümünün beynəlxalq birlik tərəfindən pislənilməsinə baxmayaraq, Ermənistan bu çirkin əməllərindən nəticə çıxarmayıb.
"Ermənistanın Azərbaycanın mülki əhalisinə və mülki obyektlərə birbaşa və qəsdən hücumları, beynəlxalq humanitar hüququn və insan haqlarının, xüsusilə 1949-cı il Cenevrə konvensiyaları və ona 1 saylı Əlavə, həmçinin uşaqların hüquqlarına və insan hüquqlarının müdafiəsi və fundamental azadlıqlara dair Konvensiyanın ciddi şəkildə pozulmasıdır. Bu əməllərə görə Ermənistan Respublikası ilə bərabər, Ermənistanın siyasi-hərbi rəhbərliyində olan şəxslər də bilavasitə məsuliyyət daşıyırlar", - o bildirib.06B-
-
- Siyasət
- 8 Avqust 2017 15:52
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz