Lynn Tracy
Ermənistan KİV ABŞ səfirinin bəyanatlarını öz bildiyi kimi şərh edir
Bakı/23.08.21/Turan: ABŞ-ın Ermənistandakı səfiri Linn Treysi hesab edir ki, bu yaxınlarda Dağlıq Qarabağda baş vermiş müharibənin nəticələri aradan qaldırılmayıb, münaqişə həll olunmayıb, çünki Dağlıq Qarabağın statusu hələ müəyyənləşdirilməyib. Bu barədə "Armenpress" agentliyi məlumat yayıb. Lakin səfirin dərc olunmuş sitatlarında "Dağlıq Qarabağın statusu" haqda söz yoxdur.
"Biz Minsk Qrupunun həmsədri kimi işləyəcəyik, bu mövqelərdən vəziyyətin gərginliyini azaltmağa, insidentləri aradan qaldırmağa çalışacağıq ki, qalan məsələləri, müharibədən sonrakı vəziyyəti və digər məsələlərin yekun tənzimlənməsini nəzərdən keçirə bilək", - agentlik səfirdən sitat gətirib.
Ermənistanın Sünik vilayətində olan səfir deyib: "İyul ayında Geqarkunik vilayətində insidentlərin qeydə alındığı sərhəd rayonlarından birində oldum. Demək istəyirəm ki, zorakılığa mümkün qədər tez son qoyulması üçün vəziyyətin deeskalasiyasına çağırırıq", - Linn Treysi deyib.
İki gün öncə həmin agentlik ABŞ Dövlət Departamentinin regionda vəziyyətlə bağlı "Armenpress" in sorğusuna cavabını dərc edib və bunu "Dövlət Departamentinin bəyanatı" adlandırıb.
"Birləşmiş Ştatlar münaqişənin uzunmüddətli siyasi nizamlanmasına nail olmaq üçün ATƏT-in Minsk Qrupu həmsədrlərinin himayəsi altında mümkün qədər tez substantiv danışıqlara qayıtmağa çağırır", - sorğuya cavabda bildirilir.-02D
-
- Cəmiyyət
- 23 Avqust 2021 13:43
-
- İqtisadiyyat
- 23 Avqust 2021 15:07
Siyasət
-
Almaniya Parlamentinin”İşıqfor” Koalisiyasının üzvləri, insan haqları siyasətçiləri Renata Alt (FDP), Boris Miyatoviç (Yaşıllar) və Frank Şvabe (SDP) Azərbaycanda Qubad İbadoğlunun və digər siyasi məhbusların azad edilməsinə dair açıqlama yayıblar.
-
Mayın 17-də ictimai fəal və hüquq müdafiəçisi Bəxtiyar Hacıyevin işi üzrə məhkəmə prosesində zərərçəkən məhkəmə məmuru Orxan Abdullayevin ifadələri dinlənilib.
-
Mayın 17-də Azərbaycan və Belarus prezidentləri Füzulidən Şuşaya gediblər.
-
Bu gün Avropa İttifaqı Şurası Rusiya təbliğatı yayan və Ukraynaya qarşı təcavüzkar müharibəni dəstəkləyən daha dörd KİV-in: "Avropanın səsi", RİA Novosti, "İzvestiya" və "Rossiyskaya qazeta"nın Avropa İttifaqında yayımını dayandırmaq qərarına gəlib.
Rəy yaz