![Azərbaycan Demokratiya və Rifah (ADR) Hərəkatının bəyanatı](https://turan.az/resized/750/500/resize/media/2017/main/071600003115.jpg)
Azərbaycan Demokratiya və Rifah (ADR) Hərəkatının bəyanatı
15 iyul 2017-ci ildə Azərbaycan Respublikası Tarif Şurasının qərarı ilə "Aİ-92" markalı avtomobil benzininin pərakəndə satış qiyməti 28,5 faiz bahalaşaraq 1 litr üçün 90 qəpik müəyyən olunub.
Tarif Şurasının Əsasnaməninə görə belə qərarların verilməsində istehlakçıların rəyi nəzərə alınmalı və onun qəbulundə müstəqil ekspertlərin iştirakı təmin olunmalıdır. Lakin, ölkədə inflyasiya yaradıcı amillərin fəal olduğu hazırkı dövrdə yeni qiymət artımına rəvac verən qərarın müstəqil ekspertlərin iştirakı olmadan verilməsi və istehlakçıların rəyinin nəzərə alınmaması haqlı olaraq əhalinin əksəriyyətində narazılıq yaradıb. Heç kimə sirr deyil ki, bazarların qarşılıqlı təsiri ilə avtomobillə şəhərdaxili və şəhərlərarası sərnişin daşınmasında, metroda və dəmiryol nəqliyyatında da gediş haqları bahalaşacaq. Bununla yanaşı, avtomobil, hava və dəniz nəqliyyatında yük daşınmaları zamanı yanacaq məsrəflərinin artması əsas istehlak mallarının qiymətində maddiləşərək, onların da bahalaşmasına gətirib çıxaracaq.
Gözləntilərə görə, cari ilin ikinci yarısında inflyasiya proseslərini daha da sürətləndirəcək. Qiymətlərin ümumi səviyyəsində bahalaşma real gəlirləri istehlak səbətindən aşağı olan aztəminatlı ailələrin büdcəsinə təsirsiz ötüşməyəcək və son nəticədə sosial durum daha da gərginləşəcək, dolanışıq imkanları məhdudlaşacaq, əhalinin güzəranı və rifahı daha da pisləşəcək. Görünən odur ki, hakimiyyət yenə də inflyasiya yaradıcı amilləri fəallaşdırıb, vətəndaşların və vergi ödəyicilərin üzərində əlavə öhdəliklər qoymaq hesabına büdcə kəsirinin örtülməsinə çalışır.
Dünya bazarında neftin və neft məhsullarının qiymətinin ucuzlaşdığı indiki dövrdə Azərbaycanda benzinin qiymətindəki artım onun dollarla ifadəsində 0,53 ABŞ dolları təşkil edir ki, bu da qonşu dövlətlərin əksəriyyəti ilə müqayisədə bahadır. Belə ki, hazırda avtomobil benzininin pərakəndə satış qiyməti ABŞ dolları ilə Rusiyada 0,61, Qazaxıstanda 0,44, İranda 0,34, Türkmənistanda 0,27-dir. Lakin, onu nəzərə almaq lazımdır ki, Qazaxıstanda və Rusiyada orta aylıq əmək haqqı Azərbaycandan 2-2,5 dəfə yüksəkdir.
Tarif Şurası benzinin qiymətinin artırılmasının səbəbləri kimi SOCAR-ın ixrac imkanlarını məhdudlaşdırması və xarici valyuta gəlirlərinin azalmasını göstərib. Bu onu göstərir ki, hazırkı hakimiyyət yenə də SOCAR-ın mənafeyini müdafiə etməklə korporativ maraqları istehlakçı maraqlarından üstün tutur. Lakin, hesab edirik ki, belə birtərəfli yanaşma son zamanlar xərclərini rasionallaşdırmağa və gəlirlərini daxili bazarda təklif etdiyi məhsulların (neft, qaz) qiymətini bahalaşdırmaqla artırmağa çalışan SOCAR-ı borc bataqlığından və ildən ilə artan ziyandan xilas edə bilməyəcək.
Odur ki, ADR Hərəkatı SOCAR-da idarəetmə və struktur islahatları, korrupsiya ilə mübarizə aparmaqla neft və neft məhsullarının istehsalının maya dəyərini rasionallaşdırmağa, Tarif Şurasını son qərarına yenidən baxmağa, xalqa qarşı soyğunçuluğu dayandırmağa, əhalinin sosial müdafiəsini gücləndirməyə, rifah halını yaxşılaşdırmağa çağırır, əks təqdirdə ölkədə baş verəcək sosial-siyasi gərginliklərə hakimiyyətin məsuliyyət daşıyacağını bəyan edir.
Bakı şəhəri, 17 iyul 2017-ci il
-
- Söz istəyirəm
- 15 İyul 2017 21:51
-
- Cəmiyyət
- 17 İyul 2017 10:45
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz