�DƏLLƏKXANADA�

Ay can-ay can, atıram addımı son pilləyə mən,
Nə yazım, qayçılayan hirsli bu gic dəlləyə mən
Neçə ildir dayanıb növbədə mən, çərləmişəm
Necə yazmaq, necə pozmaq - Bunu əzbərləmişəm
Yekə "bərbərləri" dəftərdə qovub hərləmişəm,
Hələ rast gəlməmişəm böylə debil kəlləyə mən
Nə yazım, qayçılayan hirsli bu gic dəlləyə mən
Saxlamır bir dənə tük, çünki dibindən qaşıyır
Qaşınan tükləri Avropaya xəlvət daşıyır
Bu ki, dəllək kimi yox, biznesimen tək yaşayır
Dinmərəm nəymə gərək, urcah olam şilləyə mən
Nə yazım, qayşılayan hirsli bu gic dəlləyə mən
Buna oxşar bu sifətdən də betər, vardı o çağ
Millətin həpsi o bərbər sarıdan düşdü qaçağ
Neşə milyon başı bir gündə "sığallardı" qoçağ
Yazmışam həm ona, həm qarnıyoğun çəlləyə mən
Nə yazım, qayçılayan hirsli bu gic dəlləyə mən
Özü bərbərdi əmə, çoxdu nöyüt vışkaları
Vışkanın üstünə bərk-bərk tökülüb başqaları
Dürtülüb böyrünə minlərlə "sabun çuşqaları"
Çıxacam, xalqa deməkçün uca bir qülləyə mən,
Nə yazım, qayçılayan hirsli bu gic dəlləyə mən
Güc də çatmır ki, durub ərk eləyib bərk döyəsən
Alasan qayçısın əldən, qıcanıb lap söyəsən
Bir kərəm damladılar, indi də vallah, deyəsən,
Bu səfər tuş gələcəm qırmızı bir gülləyə mən
Nə yazım, qayçılayan hirsli bu gic dəlləyə mən
Dəlləkliyi bizim başımızda öyrənənin, axırda qayçısını əlindən alırlar !!!
Aydın Mirzəzadə -
Göyçə xəngəli