Arxiv
Hüquq müdafiəçiləri ölkə rəhbərliyini Turan agentliyini müdafiə etməyə çağırırlar
Bakı/21.08.17/Turan: Bir qrup azərbaycanlı hüquq müdafiəçisi Vergilər Nazirliyinin Turan İnformasiya Agentliyinə qarşı başladığı cinayət işilə əlaqədar prezident İlham Əliyevə müraciət edib.
Müəlliflər xatırladırlar ki, Turan İnformasiya Agentliyi 1990-cı ilin mayında bir qrup jurnalist tərəfindən təsis edilən, keçmiş SSRİ-də ilk müstəqil agentliklərdən biridir.
"Turan İA ölkəmizdə siyasət, iqtisadiyyat, energetika, maliyyə, kommunikasiya, market, qanunvericilik, din, mədəniyyət, idman mövzularında xəbərlər hazırlamaq ilə yanaşı Azərbaycanla bağlı analitik məqalələr və icmalların hazırlanmasında xüsusi rola malikdir.
Azərbaycanla bağlı məlumat axtarışında olan bütün beynəlxalq informasiya mərkəzləri - Reuters, France Press, BBC, CNN və yüzlərlə media qurumı, rəsmi dövlət və hökumət strukturları, diplomatik missiyalar, beynəlxalq təşkilatlar, dünya miqyaslı şirkətlərin nümayəndəlikləri və tanınmış yerli işguzar dairələr Turan İA-nın məlumatlarının və bülletenlərinin oxucusudur.
Avqustun 7-də Vergilər Nazirliyinin Vergi Cinayətlərinin İbtidai Araşdırılması Departamenti Turan İnformasiya Agentliyinin 2014-cü ildən 2016-cı ilə qədər olan fəaliyyətini yoxlamağa başlayıb.
Avqustun 16-da vergi əməkdaşları Turan-ın ofisində axtarış aparıb, 2014-2016-cı illərə aid maliyyə sənədlərini, bir sıra digər sənədləri və mühasibin kompüterini götürüblər. Bununla yanaşı vergi əməkdaşları 1 oktyabr 2010-cu ildən 1 avqust 2017-ci ilə qədərki dövr üzrə cinayət təhqiqatı aparılması haqqında qərar qəbul edib. Bu dövrə aid olan bütün sənədləri təqdim etmələrini tələb ediblər.
Sənəd müəllifləri xatırladırlar ki, Azərbaycan prezidentinin təşəbbüsü ilə sahibkarlıq sahəsində aparılan yoxlamaların dayandırılmasını nəzərdə tutan qanuna əsasən 2015-ci il noyabrın 1-dən etibarən sahibkarlıq sahəsində aparılan yoxlamalar 2 il müddətinə dayandırılıb. Buna baxmayaraq, vergi orqanları tərəfindən Azərbaycanda ən nüfuzlu agentlikdə yoxlamalara başlanması və faktiki fəaliyyət üçün maneələrin yaranmasına diqqətinizi çəkmək istəyirik.
"Bütün bunları nəzərə alaraq hüquq müdafiəçiləri adından sizdən rica edirik ki, Turan İA üçün normal iş şəraitinin yaradılması və əlavə vergi yoxlamalarının aparılması ilə bağlı prosesi nəzarətə götürəsiniz.
Turan İA kimi təcrübəli bir agentliyin vergi orqanları tərəfindən əlavə yoxlamalar ilə işinə mane olunmasının qarşısını almaq üçün müdaxilə edəsiniz", - müraciətdə deyilir. Müraciəti Novella Cəfərova, Səidə Qocamanlı, Səadət Bənənyarlı, Mirvari Qəhrəmanlı, Arzu Abdullayeva, Əvəz Həsənov imzalayıblar.
Eyni zamanda qrup Azərbaycanın birinci vitse-prezidenti Mehriban Əliyevaya müraciət edib.
Müəlliflər M.Əliyevanın dəstəyilə aparılan humanitar fəaliyyətin, mədəniyyət və təhsil sahəsində görülən işlərin işıqlandırılması və dünya ictimaiyyətinə çatdırılmasında digər informasiya agentlikləri ilə bərabər Turan İnformasiya Agentliyinin fəallıq göstərdiyini qeyd edib.
"Sizin birinci vitse-prezident təyin olunmanızdan sonra ölkədə başlanan və bundan sonra da davam etdiriləcək mədəni, iqtisadi və siyasi islahatların pozitiv olaraq təhlil olunmasında Turan-nın böyük rolu var.
Bu gün Turan İA vergi orqanlarının müdaxilələrindən sonra özünün normal iş ahəngini itiibr. Bunu nəzərə alaraq, hüquq müdafiəçiləri adından sizdən rica edirik ki, Turan İA-da vergi orqanları tərəfindən əlavə olaraq yoxlamaların aparılmasının qarşısının alınması üçün öz nüfuzunuzdan istifadə edəsiniz. Azərbaycanda dəyərli təhlilləri ilə bütün beynəlxalq aləmdə tanınmış agentliyin işinə normal şəraitin yaradılması üçün öz səyləriniz əsirgəməyəsiniz", - müraciətdə bildirilir. -06D--
-
- Cəmiyyət
- 21 Avqust 2017 14:53
Söz istəyirəm
-
Azərbaycan Respublikasının Prezidenti cənab İlham Əliyevə
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
Rəy yaz