Lapşin �əməliyyatı�

Bloger Aleksandr Lapşinin həbsindən və mühakimə edilməsindən sonra onun ətrafında başlayan qalmaqal onun azad edilməsindən sonra yeni mərhələyə qədəm qoydu və daha da gücləndi.

Bakının ölkənin ərazi bütövlüyünü şübhə altına qoyan insanı cəzalandırması nəticəsində əldə etdiyi siyasi dividendlər heçə endirildi. Bu, azadlığa çıxan Lapşinin nəinki əvf istəməsi, Qarabağın Azərbaycana məxsus olduğunu etiraf etməsi və intihar cəhdi etməsi haqqında iddiaları təkzib etməsindən, hətta istintaq təcridxanası rəhbərliyini intihar cəhdi görüntüsü yaratmaq üçün ona qarşı sui-qəsd törədilməsində ittiham etməsindən sonra baş verdi.

Lapşin yalan danışsa belə, "Azərbaycanın düşməninin" cəzalandırılması üzrə əməliyyatının sonuna qədər düşünülməmiş və lazımi qaydada işlənib hazırlanmamış olduğunu göstərir.

Bu barədə şübhələr bu zavallı blogeri Bakı aeroportunda Dövlət Təhlükəsizliyi Xidmətinin başdan-ayağa silahlanmış xüsusi təyinatlı dəstəsi onu qarşıladığı andan başlamışdı. İstər-istəməz Türkiyə xüsusi təyinatlılarının kürd terrorçularının lideri Abdullah Öcalanı gətirməsi kadrları yada düşür. Bütün xüsusi təyinatlılar mülki geyimdə və silahsız, yalnız üzləri bağlı idi.

Maraqlıdır ki, Lapşin məhkəmədə öz təqsirini etiraf etməyib, özünü siyasətçi deyil, işğal olunmuş torpaqlara turist kimi səfər etdiyini deyib. Eyni zamanda, o, sərhədi qanunsuz keçməyə görə təqsirini etiraf edib.

Amma bir insanı həbs edib, ondan iltizam və ya lazımi bəyanatı alıb, azad edildikdən sonra onun bunları təkzib etməyəcəyini düşünmək sadəlövhlük olardı.

Yeri gəlmişkən, İsrail ordusunda belə bir qayda var: əsir düşən şəxs bildiyi hər şeyi düşməninə danışa bilər, buna görə onu mühakimə etmirlər. İsrail ordusunda əsas vəzifə əsgərin həyatını qorumaqdır. Göründür, Lapşinin TSAXAL-ın bu qaydalarından bir az xəbəri var.

Lapşinin əvf edildikdən sonra həbsxanada intihara cəhd etməsi ayrıca bir mövzudur.

O, öz facebook səhifəsində yazıb ki, sentyabrın 11-də gecə bir neçə şəxs onun kamerasına girib, onu döyməyə başlayıb, daha sonra isə boğmağa çalışıb. Ola bilər ki, o, yalan söyləyir və həqiqətən də özünü asmağa çalışıb. Amma onda belə bir sual yaranır: Lapşin tez bir zamanda azadlığa çıxacağını bilirdisə, niyə özünü asmalı idi?

Əllərinə sərhəd pozucusu kimi "material" düşən şəxslər bu materialdan lazımi şəkildə istifadə edə bilmədilər, əvəzində özlərinə növbəti və kifayət qədər məşhur tənqidçi qazandılar.

Amma tutaq ki, Lapşinə qarşı başqa cür davranardılar: sərhədi qanunsuz keçdiyinə görə mühakimə edib ölkədən çıxarardılar. Amma əvvəlcə Xocalı qaçqınları, Qarabağ münaqişəsinin Azərbaycan həqiqətləri, ölkənin tarixi ilə tanış edərdilər.

Axı açıq-aşkar ermənilərin tərəfində çıxış edən, azərbaycanlıları təhqir edən Jirinovskini paytaxtda fəxri qonaq kimi qəbul etmişdilər...

Lapşinin hadisəsi təkcə istintaqın və məsul məmurların səhvləri deyil. Bu, sistemli problemin - sənin fikrinlə razılaşmayan və ya sadəcə olaraq ondan xəbəri olmayanlarla ünsiyyətə hazır olmamağın göstəricisidir.

Dövlət qurumları bu qrup şəxslərə qarşı davranış proqramı hazırlamalı və Lapşinin hadisəsindən ciddi nəticələr çıxarmalıdır. Arzuolunmaz şəxslərin "qara siyahısı"nı tərtib etməklə uzağa getmək olmaz.-0--