İslahatlar bu ilin sonunda, uzağı gələn ilin martında başlayacaq". Bu Mehman Əliyevin son illər ən çox işlətdiyi söz birləşmələridir. Amma, neçə illər keçməsinə baxmayaraq hələ də mənimlə mərcdə uduzduğunu boynuna almır. Həbsindən sonra görüşməmişik.
Bilmirəm, indi necə düşünür!
Bəli, proseslər artıq Mehmanın, azad söz ustadının həbsinə qədər irəliləyib. Bəs bundan sonra proses hara qədər irəliləyəcək? Bu suala cavab tapmaq lazımdır.
Mehman Əliyevin həbsi daha sərt tənqidlərdən də irəli gedərək, Azərbaycana qarşı təpkilər gətirməkdədir. ABŞ Dövlət Departamenti, Fransa, Norveç xarici işlər nazirlikləri, Avropa İttifaqı, Avropa Şurası, Avropa Parlamenti və dünyada böyük nüfuza malik olan onlarla hüquq müdafiə təşkilatları Mehmanın həbsini sərt bəyanatlarla qarşılayıb. ABŞ Konqresi və Senatı isə artıq Mehmanın həbsində əli olan şəxslərə sanksiyaların tətbiqini gündəliyə gətirib. Daha nə baş verməlidir ki, Mehman Əliyevin, azad media təmsilçisinin ictimaiyyətə nə qədər lazımlı olduğu dərk edilsin? Azad media bütün hallarda ictimai fikrin fövqündədir və insanlar diktaturalar dövründə belə azad sözün aşiqi olub. Hətta deyərdim ki, diktatorlar da azad sözü qiymətləndirib. Məsələn, Napoleon "rupor qəzeti" bağlayıb.
Mehman demişkən "proses gedir", amma hara...
Banklar və azad media
Dünayada məşhur bir deyim var, - "Banklarda başlayan böhran, iqitsadiyyatda və cəmiyyətdə başlayan böhranın təzahürüdür". Böhranın qarşısının alınması üçün, ictimai-siyasi mühitdə, iqtisadiyyatda sağlamlaşma üçün problemlərin tapılması, üzə çıxarılması, müzakirəsi və həlli yollarının axtarılması lazımdır. Bunu isə yalnız dövlət tərəfindən azad şəraitdə işləməsinə və təhlükəsizliyinə təminat verilmiş azad media edə bilər. Ölkədə azad medianın "mayakı" olan "Turan"ın Mehmanının həbsi böhranın daha da dərinləşməsində maraqlıların sayının heç də az olmamasından xəbər verir.
"Gəlin ölkədə azad medinaın inkişafı üçün konsepsiya hazırlayaq. Bu, cəmiyyətin və hökumətin islahat proqramının "a" hərfidir", Mehman belə düşünrüdü. İndi o həbsdədir. Dostum Mehman demişkən "proses gedir", hara... düşünmək lazımdır.
Bir qədər də Mehmanın "özü" barədə
O hər gün kollektiv üçün bazarlıq edərdi. Özü çay qaynadardı, deyinə-deyinə çay dəmləyərdi... Hərdən kefinə düşəndə işdə yenilik edib dadlı yeməklər də bişirirərdi... Yadıma düşmüşkən, hərdən mübahisə də edərdik. Düşünürdük ki, elmi-yaradıcı mühitdə mübahisə olmazsa, jurnalistlər öz mövqelərini müdafiə edə bilməzsə, yazdıqları məqalə də cəmiyyətin mənafeyini müdafiə edə bilməz. Uzun çəkən mübahisələri qısa etmək üçün Mehmanın saxlancı olan ədviyyatı yavaş-yavaş istifadə edərdim. Və bu mübahisənin sonu demək idi. Azadlıq üçün mübarizən mübarək... "Proses gedir". Hər halda tunelin sonunda işıq var.
Söz istəyirəm
-
ABŞ federal tədqiqatçıları Demokrat konqresmen Henri Kuelların Azərbaycanın idarə etdiyi neft şirkəti və Meksikadakı bankdan $600,000 dollar həcmində rüşvət alması ittihamı ilə bağlı işdə artıq üç nəfər təqsirini etiraf etdiyini bildirir.
-
Mayın 3-də ABŞ-ın Bakıdakı səfiri Mark Libbinin böyük müsahibəsi çox səs-küy yaratdı və siyasi müzakirələrə səbəb oldu. Eyni zamanda, Amerika diplomatiyası, eləcə də səfirlik personalının işilə bağlı bir sıra vacib amili ortaya qoydu.
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
-
Türkiyənin unikal radio kolleksiyası olan mədəniyyət ocağından reportaj Mersin şəhərinin Tarsus qəsəbəsinin qədim mədəniyyətinə yeni tarix qatan məkandayıq. Eyuboğlu malikanəsindəyik. Bura həm də bir sərgi salonudur. Məkanın sahibləri və işlədənləri Eyubxan bəy və Pərvin xanım Eyuboğlular cütlüyüdür.
Rəy yaz