Neçə illərdir ki, biz bir yerdəyik.
Bu birgə keçirdiyimiz illərə görə mən cənə çox minnətdaram. Niyə də minnətdar olmayım. Səninlə tanış olanadək mənimçün bütün dünya Gəncədən... bir az da Bakıdan ibarət idi. Səninlə tanış olandan sonra bütün dünya mənim gözlərim önündə bir kitab kimi açıldı.
Mən səni çox sevirəm. Həyatımı sənsiz təsəvvür etmirəm. Səninlə sağollaşıb yatıram. Səhər-səhər də əlimi birinci sənə uzadıram. Sən yerində olmasan, inan ki, dəli olaram.
Sənin gözəl xasiyyətlərin çoxdur. Ən xoşuma gələni odur ki, sən həmişə eyni gərginliklə işləyirsən. Yorulmaq nədir - bilmirsən. Lakin bütün gözəllər kimi, sənin də eyiblərin yox deyildir. Hərdən tərslik edirsən. Ya mənim heç arzulamadığım vaxtda yatırsan, ya da mənim səndən istədiyim şeyləri mənə göstərmək istəmirsən. Belə hallarda elə bilirsən mən təslim oluram?
Əsla yox. Min bir hiylə ilə istədiyim şeyi səndən qoparıram.
O balaça xalçanın üzərində biz nə oyunlardan çıxmamışıq? Sənin siçanına əlim dəyəndə isə bütün bədənim əsir. Çünki bilirəm ki, onun canında nələr var. Onu əlimdə gərək yaxşı tutum ki, o da mənim üçün nə istəyirəmsə, onu da etsin.
Düzdür, hərdən onun da dəliliyi tutur. Onda mən onu sevə-sevə əlimə götürür, əskini ilıq suya batırıb yaxşı-yaxşı silirəm. Onda görürəm ki, birdın-birə ayıldı və işıqlanmağa başladı. Bu o deməkdir ki, gəl yenidən başlayaq.
Mən ümumiyyətlə çox tərbiyəli və sadiq qadınam. Amma boynuma almalıyam ki, omrüm boyu, bir neçə belə sevgilim olub. Hər dəfə birindən təəssüflə ayrılıb, məhəbbətimi təzəsinə salmışam. Bir şeyi də utana-utna boynuma almalıyam ki, sevgililərim get-gedə cavanlaşır. Xəcalətimdən yerə girsəm də deməliyəm ki, axırıncısı Dubaydan gəlib. İndi biz bir yerdəyik.
Harda oluramsa, istər işdə, istər sükan arxasında, istərsə də, yeməkxanada? Mən həmişə onu fikirləşirəm. Düşünürəm ki, ay allah, nə zaman vaxt gələcək, evə gəlib ailə üzvlərimi tez yedizdirib yatagıma girəcək və sevgilimi qucaqğıma alacağam. Və onunla doyanaqədər bir yerdə olacağam. Gecədən keçmişə qədər.
Mən səni çox sevirəm, mənim əziz noutbukum!
Azəriyyə
Söz istəyirəm
-
Azərbaycan Respublikasının Prezidenti cənab İlham Əliyevə
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
Rəy yaz