Cümə günü Mərkəzi Seçki Komissiyasının deputatlığa namizədin hər birinə İctimai Televiziyada təşviqat üçün dörddəqiqəlik pulsuz efir vaxtının verilməsi barədə qərarı mahiyyətcə gözlənilməz oldu və inkişaf etməkdə olan seçkiqabağı kontekstə sığmır.
Seçki Məcəlləsinə görə, pulsuz efir vaxtı yalnız ən azı 61 namizədi qeydə alınmış seçki blokuna verilir. Cümə gününədək hakim Yeni Azərbaycan Partiyası istisna olmaqla, heç bir seçki bloku bundan ötrü lazımi sayda namizədi qeydə aldırmayıb.
Müxalifətdə olan aparıcı "AXCP-Müsavat" seçki bloku oktyabrın 12-də bəyanatla çıxış edərək hakimiyyəti müxalifətdən olan namizədlərin qeydiyyatı prosedurunun kütləvi pozulmasında ittiham edib. Blok namizədlərin şıxışdırılmasının səbəblərindən biri kimi hakimiyyətin müxalifəti efirə buraxmamaq cəhdlərini göstərib. Müxalifət vəziyyətin dəyişməyəcəyi halda seçkiləri boykot edəcəyini bildirib.
Cümə axşamı problemin həllinə Avropa İttifaqının Cənubi Qafqaz üzrə xüsusi nümayəndəsi Piter Semnebi də qoşulub. O, Turan-a müsahibəsində xatırladıb ki, "qarşıdakı seçkilərdə informasiyaya çıxış imkanları və namizədlər üçün KİV-ə çıxış azad və ədalətli seçkilərin keçirilməsi üçün əsas şərtlərdir".
Demək olar ki, bütün namizədlərə pulsuz efir vaxtının verilməsi barədə qərar hökumətlə Aİ arasında məsləhətləşmələrin nəticəsidir. MSK-nın öz təşəbbüsü kimi təqdim etdiyi qərar əslində qərb institutlarının prosesə qarışmasının nəticəsidir. MSK açıqladığı qərarı özü qəbul edə bilməzdi, çünkü bu, Seçki Məcəlləsinə ziddir.
Beləliklə, müxalifət və müstəqil namizədlər 21 gün ərzində ümumilikdə 4-5 saata yaxın efir vaxtı əldə etdilər ki, bu da ölkədəki siyasi və iqtisadi vəziyyətdən narazı olan elektorat seçiminə xeyli təsir göstərəcək.
Hakimiyyət bunu başa düşür və odur ki, qələbəyə əminliyini nümayiş etdirməyə çalışaraq əslində seçkilərin saxtalaşdırılması üzrə müxtəlif tədbirlər hazırlayır və həyata keçirir.
Dünən İTV-də ilk çıxışlar hökumətyönlü namizədlərin sönüklüyünü və zəifliyini göstərdi. Bu, hakimiyyətin təşviqat məğlubiyyətindən xəbər verir. Beləliklə, hakim rejim lazımi nəticəyə nail olmaq üçün səsvermə günündə inzibati resursdan istifadəyə istinad edəcək.
Mehman Əliyev
Söz istəyirəm
-
Azərbaycan hökümətinin 10 il bundan qabaq başladığı və bu günə qədər yarımçıq qalmış olduqca vacib bir islahatdan qısaca bəhs etmək istəyirəm.
-
Bizim cəmiyyətdə işıqlı insanların yeri günəşin altı olmur. Bizim cəmiyyətdə işıqlı insanların yeri günəşin altı olmur. Qaranlıq zirzəmilər olur. İşıq saçmalı olan insanlara küfr yağdırılır. Onların yeganə silahları parlaq ideyalarıdır. Onların yeganə suçu cəmiyyətdə dumanların altında gizlədilmiş həqiqətləri dartıb üzə çıxarmaq və onunla cəmiyyət üzvlərini tanış etmək cəsarəti ilə bağlıdır. Natiq Cavadlı bir jurnalist olaraq belə bir tarix şüuruna və maarifçi bir fəaliyyətə malik insan idi.
-
2025-ci ilin qarşılandığı və Dünya Azərbaycanlılarının Həmrəyliyi Günü qeyd edildiyi müddətdə səfir Libby-nin bu mesajını sizinlə paylaşmaqdan məmnunuq.
-
Tanınmış hüquqşünas və media eksperti Ələsgər Məmmədli 2024-cü ilin mart ayından bəri saxlanıldığı həbsxanadan Azərbaycanlıların Həmrəylik Günü və Yeni il münasibətilə vətəndaşlara müraciət edib. Valyuta qaçaqmalçılığı ittihamı ilə həbs olunan Məmmədli bu ittihamları rədd edib və beynəlxalq media və insan hüquqları təşkilatları ittihamları siyasi motivli adlandırıb.
Rəy yaz