Böyük Texniki Baxış Mərkəzində cəmi iki avtomobil baxışdan keçdi

"Bizi avtomobili icbari texniki baxışdan keçirməkdən yayınmağa görə cərimə etdilər, halbuki, növbəti texniki baxışın vaxtı may ayındadır", - Bakı sakini, qadın sürücü Turan agentliyinə müraciət edib. O 50 manat cərimə olunması barədə SMS aldığını bildirib. Onun atası da texniki baxışdan (TB) keçmədiyinə görə eyni bildirişi alıb. Ata yayda Zabratdakı TB mərkəzinə getmək fikrindəymiş, yəni, bir il öncə həmin texniki mərkəzdə verilmiş sənədin üzərində göstərilən tarixdə. Ancaq cərimə indi gəlib.

Baş Yol Polisi İdarəsində (Xırdalan qəsəbəsi) idarənin əməkdaşı şikayəti oxuduqdan sonra məqalə müəllifinə deyib ki, cərimələr qanuni olaraq çıxarılıb, belə ki, 2019-cu ilin yanvarından qüvvəyə minən qaydalara görə, avtomobil sahibləri maşınları TB-dən əvvəlki baxışdan bir və ya iki il sonra (maşının istehsal ilindən asılı olaraq) keçirməlidir, əvvəllər olduğu kimi yox. Yəni, əvvəllər müxtəlif markalı avtomobillər üçün texniki vəziyyətin yoxlanması ilə bağlı müəyyən aylar təyin edilirdi.

Yeni qaydalardan xəbərsiz olan avtomobil sahiblərinin məlumatlandırılması ilə bağlı sualın cavabında əməkdaş deyib ki, KİV-də yeniliklər haqda informasiya verilib, vətəndaşlar xəbərləri izləməlidir.

Söhbət zamanı eyni şikayətdə olan bir çox vətəndaş əməkdaşa yaxnlaşırdı və eyni cavabı alırdı.

FED.AZ-ın jurnalistləri Bakıdakı avtomobillərin sayını bilərək TB-dən vaxtında keçməməyə görə (yeni qaydalara əsasən) tətbiq edilən cərimələrin həcmini hesablayıblar. Hər ay dövlət xəzinəsi minimum 1 mln. 225 manat ilə dolur. Əgər yol polisi sürücülərə 10 gündən sonra (və ya 20, 30 gün sonra ) TB-dən keçmək vaxtının olması barədə SMS göndərsəydi, məlumatlı sürücülər cərimə ödəməzdilər, xəzinə isə yeni gəlir mənbəyi əldə etməzdi. Cərimə barədə SMS göndərən polis yeni qaydalar barədə də göndərə bilərdi...

Bu yazının müəllifi martn 7-də Yol polisi nəzdindəki Zabrat Texniki Baxış Mərkəzində olub, avtomobillərin yoxlanması prosedurunu izləyib. Səhər saat 9.10-da orada icbari texniki baxışdan keçmək üçün gələn cəmi iki avtomobil olub. Qapıda dayanan mülki geyimli növbətçi sürücülərdən bütüb prosedurdan keçmək, yoxsa "başqa cür keçmək" istəyib-istəmədiklərini soruşub.

Mərkəzin iki yuxulu işçisi avtomobillərin gəlişindən təəccüblənib. Bütün bunlar böyük və boş zalda baş verirdi. Bu zal eyni vaxtda 12 texnoloji xəttin işləməsi üçün nəzərdə tutulub. Sualımıza cavab olaraq Mərkəzin işçisi etiraf edib ki, avtomobil yoxdur, çünki sürücülər "yanacaqdoldurma məntəqələrindən texniki baxış haqda sənəd almağa" üstünlük verirlər. Bir gün öncə bir tanışım bildirmişdi ki, "70 manata texniki baxışdan keçib. Sənədi evdən çıxmadan, maklerə telefon etməklə alıb.

"Hərdən bizi burada gecələməyə məcbur edirlər, sanki durmadan çalışırıq. Ancaq siz görürsünüz, zal boşdur", - işçi bildirib. Bu yaxınlarda ölkədə minimum əməkhaqqı artırıldıqdan sonra onun maaşı 160 manat olub. Bu barədə o, TB zamanı korrupsiya ilə bağlı iradlarıma cavab olaraq bildirib.

Turan-da dərc edilmiş "Azərbaycanda texniki mərkəzlərə ehtiyac var" məqaləsində söylənilən fikirlərin doğru olduğu təsdiqləndi. (http://www.contact.az/ext/news/2018/11/free/Social/ru/76878.htm).

Həmin yazıda Yol polisində sertifikat aldıqdan sonra fərdi təmir ustalarına texniki baxış keçirmək hüququnun verilməsini əsaslandırmışdıq. Belə olduğu halda sürücülər yaşadıqları yerlərə yaxın mərkəzlərdə texniki baxışdan keçə bilər, TB haqda qanunsuz sənədi fırıldaqçılardan almazdılar.

Martın 7-də Zabrat Mərkəzinin işçisi ilə söhbət zamanı bu ideya haqda soruşduq və mənfi cavab aldıq. İşçi hesab edir ki, özəl Texniki mərkəzlər avtomobillər hansı vəziyyətdə olur-olsun sürücülərə TB haqda sənəd verəcək, təki maşın sahibləri pul ödəsinlər.

"O zaman niyə dövlət-mərkəzləşdirilmiş TM-lərin olmasına baxmayaraq, yenə də yollarda nasaz avtomobillərə rast gəlinir" sualının cavabında işçi yanacaqdoldurma məntəqələrindəki dələduzlar barəsində sözlərini xatırladıb.

Həmin dələduzların dövlət Texniki mərkəzləri ilə əlaqəsinin olması (avtomobillərin texniki baxışdan keçməsi barədə məlumatlar dövlət məlumat bazasına daxil edilir) barədə sualı isə həmsöhbətim cavablandırmayıb.

Zabrat Texniki Mərkəzinin işçiləri əyləclərin çalışmasını, işıqlandırma faralarının düzgün yerləşməsini, dərman qutusu, odsöndürənin olmasını və s. avtomatik stendlərdə yoxlayırlar. Mənim yanımda iki avtomobl sahibi Zabrat Texniki Mərkəzinin rəis müavini (kabinet N3) tərəfindən aptekə göndərildi, dərman qutusundakı köhnə dərmanları yeniləmək üçün.

Vətəndaş Kərim Bayramovun "Hyunday" avtomobilində (dövlət nömrə nişanı 99 XD 147) fara və əyləclərdə nasazlığın olmasına baxmayaraq, o, dərman qutusu üçün yeni dərmanlar almağa məcbur oldu, ona başqa irad irəli sürülmədi.

Yeni qaydalara əsasən sadalanan nasazlıqlara görə Texniki Mərkəzin avtomobilin istismarı üçün sürücüyə icazə verilməsindən imtina etmək hüququ yoxdur. Vətəndaşlar keçirilmiş TB haqda sənəd alır (şüşəyə yapışdırmaq üçün birka verilmir), TB haqda informasiya məlumat bazasına daxil edilir, sürücü isə növbəti TB-yə təmir olunmuş avtmobil ilə gəlməlidir.

Kassada TB-yə görə sürücülərdən 20 manat dövlət vergisi aldılar. Hər iki sürücü dərmana xərclənən puldan başqa 32 manata yaxın ödəyərək avtonəqliyyat vasitələrinin Texniki Baxış Mərkəzini tərk etdi.