Media-icmal 30.01.20

Ölkə həyatının işıqlandırılmasında İnternet resursları ilk plana çıxıblar.

Bu resursların gündəmi ilə bağlı bəzi seçmələri oxuculara təqdim edirik ,

“Azadlıq-info” saytı Demokratik Qüvvələrin Milli Şurasının sədri , tarixçi professor, keçmiş deputat Cəmil Həsənliyə istinadən bu il fevralın 9-da keçiriləcək parlament seçkilərində deputat olacaq şəxslərin siyahısını dərc edib.

“Cəmil Həsənli Milli Məclisə “seçiləcək” şəxslərin siyahısını yaydı” sərlövhəli məqalədə bu siyahı yer alır.

Şura sədri iddia edir ki, siyahı ehtimallar əsasında deyil, bilavasitə müxtəlif hakimiyyət orqanlarından, rayon icra strukturlarından, MSK, DSK-lardan və hakimiyyətə yaxın olan digər mənbələrdən əldə edilmiş məlumatlar əsasında tərtib edilib. “Qeyd edilən məlumatlar əsasında hazırlanmış bu siyahı Milli Şura tərəfindən cəmiyyətə təqdim edilir və bəzi dairələr haqqında yekun qərar verilmədiyindən siyahıda 5-6 dairə üzrə nəticələr fərqli ola bilər”-deyə professor iddiasının üzərində israr edir.

Həm də C.Həsənli xatırladır ki, 2015-ci ilin parlament seçkilərindən 22 gün öncə MM seçiləcək deputatların siyahısını mətbuatda dərc etmişdilər və həmin siyahıda göstərilmiş 125 nəfərdən 121-i düz çıxmışdı.

“Ölkə də seçki deyilən bir şey olmadığı üçün seçki günü olan 9 fevralı da gözləməyə də ehtiyac qalmır seçki günündən 12 gün öncə  9 fevralda “seçiləcək” deputatların siyahısı ilə tanış olun”-C.Həsənli bildirir.

Xatırladaq ki, Milli Şura “azad seçkilər üçün ölkədə minimum şərait olmadığı” iddiasını əsas gətirərək sçekilərə qatılmayıb, hökumət isə bu iddiaları qəbul etmir.

“Müsavat.com” saytı da parlament seçkilərinə yer verib. Amma sayt deputatlığa namizədlərdən birinin təbliğat kampaniyasına, seçicilərlə görüşlərinə geniş er verib. Həmin namizədi dəstələyən mövqeləri səhifələrində əks etdirir.

Sayt son həftənin bütün dünyada əsas mövzularından olan koronavirusla bağlı ölkədəki vəziyyətə dair də məqalə dərc edib.

“Azərbaycanda koronavirusla bağlı son vəziyyət” sərlövhəli məqalədə müəllif  Səhiyyə Nazirliyinin Respublika Gigiyena və Epidemiologiya Mərkəzinə (RGEM) istinadən bildirir ki, hələ ki, Azərbaycanda koronavirusa yoluxma faktı aşkarlanmayıb. Ölkəyə şübhəli hal daxil olmayıb”.

Amma qururmdan bildiriblər ki, Azərbaycanda “Tək-tək hallarda rast gəlinən qrip virusu təsdiq olunan mövsümi qrip hadisələri” var.

“Yeni Sabah.az” saytı isə bakalavriat səviyyəsinə qəbul üçün sınaq imtahanın qiymətinin 40 manata, magistratura səviyyəsi üçün keçiriləcək sınaq imtahanının qiymətinin 50 manata qaldırılmasını diqqət mərkəzinə çəkib.  “Təhsilin əlçatımlılıq qabiliyyətini aşağı salır” - İmtahan qiymətləri artdı, narazılıq yarandı” sərlövhəli məqalə bundan bəhs edir.

Təhsil eksperti Kamran Əsədov bu qiymət artımına:”Bu qiymətlər reallığı əks etdirmir”münasibəti ifadə edib. Ekspert həm də vurğulayır ki, 2016-cı ilə qədər bu ödəniş müvafiq olaraq 2.50 və ya 3 AZN təşkil edib.  Həm də ekspert K.Əsədov diqqəti ona çəkir ki, əvvəllər imtahanlarda 700 bal toplayanlar çox olurdusa, 2019-cu il qəbul imtahanlarında 700 bal toplayan olmayıb. Bununla həm də ekspert təhsil keyfiyyət gösətricilərinin aşaə düşdüyünü iddia edir.

“YAP.org.az” saytı isə əsaa diqqəti hakim partiyadan olan deputatlığa namizədlərin görüşlərinə, görüşlərdəki çıxışlarına həsr edib.

“Modern.az” isə diqqəti Cenevrədə keçirilən Azərbaycan və Ermənistan xarici işlər nazirlərinin Qarabağ probleminin həllilə bağlı görüşünə cəlb edir. Sayt bildirir ki, yanvarın 29-da kçeirilən görüş 7 saat davam edib. Yanvarın 30-da isə görüşlərin ikinci raundu keçiriləcək. Müəllif vurğulayır ki, Azərbaycan və Ermənistan xarici işlər nazirlərinin görüşü ATƏT-in Minsk Qrupu həmsədrlərinin və ATƏT-in fəaliyyətdə olan sədrinin şəxsi nümayəndəsinin vasitəçiliyilə baş tutub.