![Milli ideologiya və mənəvi sahədə ciddi problemlər var](https://turan.az/resized/./turan-750-500-resize.webp)
Milli ideologiya və mənəvi sahədə ciddi problemlər var
“Azərbaycan Dil Qurumu” ictimai birliyi çərşənbə axşamı Beynəlxalq Mətbuat Mərkəzində milli dillə bağlı “Azərbaycanın yeni tarixi: biz kimin varisiyik?” mövzusunda elmi-konfrans keçirib.
Tədbirdə dövlət dilinin kamilləşdirilməsi, bu işdə vətəndaş cəmiyyəti institutlarının rolunun artırılmasına xüsusi toxunulub. Bununla yanaşı, büdcədən maliyyələşən dilçilik qurumlarının fəaliyyəti də müzakirə obyekti olub. Dövlətin dilçiliklə bağlı rəsmi qurumlara, əsasən isə Dilçilik İnstitutuna kifayət qədər maliyyə ayırdığı deyilib. Amma bu vəsaitin xərclənməsi ərtafında xeyli mübahisələr olmasına diqqət çəkilib.
İctimai birliyin isə dövlətdən maliyyə yardımı almamasına baxmayaraq, dilçiliklə bağlı neçə illərdir ki, müxtəlif səpgili layihələr həyata keçirdiyi nəzərə çatdırılıb.
İctimai qurumun rəhbəri deputat Sabir Rüstəmxanlı bu mənada “Dil haqqında qanuna”la bağlı sərəncamın ortaya çıxmasında ictimai birliyin də rolu olduğunu iddia edib.
İcra edilən layihənin mahiyyətinə toxunulub və deyilib ki, layihənin məqsədi Azərbaycanla bağlı ən yaxın tarixi, milli idealogiya, mənəvi dünya və cəmiyyəti ciddi narahat edən bir çox problemlərin müzakirəsinə nail olmaqdır.
Dil, tarix, fəlsəfə sahəsində xeyli qurumlar fəaliyyət göstərsə də, bu sahədə milli xətdən uzaqlaşmaların özünü göstərdiyi bəyan edilib. Bu gün ən yaxın tarix, milli idealogiya, mənəvi düzənlə bağlı cəmiyyəti narahat edən problemlərin ortaya çıxdığı iddia olunub. Bu mənada qurum ictimayyətin səs, rəyini və bu məsələlərə münasibətini cəmiyyətə çatdırmağa zərurət duyur.
Sovet dövrünün bəzi mənfi ənənələrinin hələ də yaşadığı qeyd edilib və bu “ənənələr”in yaxın tarixə, xüsusilə 1988-ci ildən bu yana, 1918-1920-ci il Xalq Cumhuriyyəti dövrünə münasibətdə özünü göstərdiyi qeyd edilib. Dilə, milli kimliyə, adlara münasibətin qaneedici olmadığı vurğulanıb. 23 ildir ki, Azərbaycanın müstəqil dövlət olmasına baxmayaraq, hələ də sovet-rus imperiyasının soyadından qopa bilməməşi nəzərə çatdırılıb. Millətin adından tutmuş, bir çox məsələlərlə bağlı mübahisələr olduğu deyilib. Xüsusən, milli ideologiya sahəsində problemlər yaşanmasına toxunulub. Müzakirələrin kiminsə və ya hansısa qurumun tənqidinə yönəlmədiyi söylənib. Burada məqsədin millət və xalqın səsini elmi dairələrə çatdırmaq olduğu xüsusi önə çəkilib.
Müstəqilliyin əldə olunmasına baxmayaraq, vahid milli konsepsiya, ideologiya müstəvisi olmadığı iddia edilib. Milli ideologiya kimi təqdim olunan “Azərbaycançılıq”, “türkçülük”, “islamçılıq”ın birbirinə zidd olması ifadə edilib. -05C-
-
- Foto sessiyalar
- 8 Aprel 2014 18:56
Cəmiyyət
-
Hakim Yeni Azərbaycan Partiyası (YAP) iyulun 17-də sentyabrın 1-də keçiriləcək növbədənkənar parlament seçkiləri ilə bağlı bütün 125 dairə üzrə namizədlərinin siyahısını açıqladı. Əvvəlki çağırış parlamentində təmsil olunan hakim partiya nümayəndələrinin bəziləri həmin namizədlərin arasında yoxdur.
-
Azərbaycanın milli aviadaşıyıcısı AZAL Bakı-Düşənbə-Bakı marşrutu üzrə uçuşlara başlayır.
-
İnnovativ məhsul və xidmətləri ilə hər zaman öndə olan “Bakcell”dən smartfonunu yeniləmək istəyən abunəçilərə şad xəbər! “Bakcell” mağazalarından hissəli ödənişlə smartfon alan abunəçilərə 18 ay müddətində xüsusi seçilmiş tariflərdən biri hədiyyə olunacaq.
-
İyulun 19-da Bakıda və Abşeronda hava tutqun olacaq, yarımadada yağış yağa bilər. Havanın temperaturu gündüz müsbət 31+36 dərəcə olacaq. Şimal-qərb küləyi əsəcək. Gündüz rütubət 45-55 faiz arasında olacaq.
Rəy yaz