Qəbul imtahanları başa çatır
Bakı/30.07.18/Turan: Azərbaycanda ali məktəblərə qəbul kampaniyası finişə yaxınlaşıb. İyulun 30-dan ali və orta ixtisas məktəblərinə uğurla imtahan verən abituriyentlərin ixtisas seçimi başlayır. Bu proses avqustun 31-dək davam edəcək.
Dövlət İmtahan Mərkəzinin rəhbəri Məleykə Abbaszadə bugünkü mətbuat konfransında bildirib ki, I-IV qruplar üzrə yaz və yay imtahanlarında 74 438 abituriyent iştirak edib. Lakin seçim müsabiqəsinə V ixtisas qrupu abituriyentləri də daxil olmaqla 91 498 nəfər buraxılıb. Bu il ali məktəblərdə bakalavrlar üçün 45159 planlı yer ayrılıb ki, bu da ötən ilin göstəricisindən 2303 yer və ya 5,37% çoxdur.
Mövcud qaydalara görə, I və IV ixtisas qrupları üzrə müsabiqədə ən azı 200 bal toplayan və hər fənn üzrə nisbi balı (istənilən bir fənn istisna olmaqla) ən azı 10 olan abituriyent iştirak edə bilər (dövlət sifarişi ilə vakant yerlərə ən azı 250 bal toplamaq lazımdır və hər fənn üzrə nisbi bal ən azı 10 olmalıdır).
II və III ixtisas qrupları üzrə müsabiqədə azı 200 bal toplayan və hər fənn üzrə nisbi balı (istənilən bir fənn istisna olmaqla) ən azı 10 bal olan abituriyent iştirak edə bilər (dövlət sifarişi ilə vakant yerlərə ən azı 300 bal toplamaq lazımdır və hər fənn üzrə nisbi bal ən azı 10 olmalıdır).
Lakin elə ixtisas var ki, keçid balı 150 baldır. Bunlar "torpaqşünaslıq və aqrokimya", "meşəçilik", "daşınmaların təşkili üzrə mühəndis və nəqliyyatda idarəetmə", "meşə materialları texnologiyası üzrə mühəndis", "marketinq", "turizm və otel işi", "baytarlıq", "muzey işi"s.
İndiki kampaniyada yenilik ondan ibarətdir ki, abituriyentlər eyni vaxtda iki müxtəlif qrup üzrə 15 ixtisas kodu seçə bilər, təbii ki, əgər yaz və yay imtahanlarında iştirak ediblərsə.
Yeniliklərdə məqsəd nədir? M.Abbaszadənin sözlərinə görə, belə variant abituriyentlərin universitetə daxil olmaq şansını artırır, onlarda uğur qazanmağa əminlik yaradır. Lakin keçid və ya yuxarı bal toplamaq işin yarısıdır. Əsas öz şansını düzgün qiymətləndirməkdir ki, bu da təəssüf ki, hamıya nəsib olmur. Bu mərhələdə gənclərə düzgün məsləhət vermək lazımdır ki, bunu heç valideynlər də edə bilmir.
Belə vəziyyətdə köməklik göstərmək üçün DİM Bakıda (Azərbaycan Universiteti və Qərbi Kaspi Universitetində) və regionlarda məsləhət mərkəzləri təşkil edib. Mərkəzlərin ekspertləri ora müraciət edənlərə bu və ya digər ali məktəblərdə ixtisaslar üzrə yerlərin sayı, həmin yerlərə iddiaçıların sayı, təxmini keçid balları barədə bilgi verirlər. Bu informasiya abituriyentlərə öz şansını götür-qoy etmək, düşünülmüış qərar qəbul etmək imkanı verir.0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz