Vətəndaş cəmiyyətinin fəaliyyətinə olan məhdudiyyətlərin aradan qaldırılması üzrə tədbirlər paketi təklif edilib
Böyük bir qrup vətəndaş cəmiyyəti fəalı bu sahəni tənzimləyən qanunvericiliyin təkmilləşdirilməsi üzrə təkliflər paketi ilə çıxış edib.
29 QHT rəhbəri, hüquqşünas, jurnalist, hüquq müdafiəçisi tərəfindən imzalanmış müraciət yerli və beynəlxalq ictimaiyyətə yönəlib.
Təklif vətəndaş cəmiyyəti qurumlarının azad və sabit fəaliyyətinə yönəlib.
Müəlliflər hökuməti bu təklifləri nəzərə almağa və onların həyata keçirilməsi prosesinə başlamağa çağırırlar.
Xüsusən, “QHT haqqında”, “Qrantlar haqqında”, “Könüllükük fəaliyyəti haqqında”, “Dini etiqad azadlığı haqqında”, “Dini ekstremizmə qarşı mübarizə haqqında” qanunlara, habelə Cinayət Məcəlləsinə və İnzibati Xətalar Məcəlləsinə düzəlişlər etmək nəzərdə tutulur.
Təkliflərin əsas hissəsi “Qeyri-hökumət təşkilatları haqqına” qanuna, xüsusən bu qurumların qeydiyyatı və fəaliyyəti ilə bağlı problemlərə aiddir.
“Yerli və xarici qeyri-kommersiya qurumlarının fəaliyyətinə mane olan bütün qeyri-legitim normalar aradan qaldırılmalıdır. Qrantların və ianələrin qeydiyyatı sistemini ləğv etmək lazımdır, əldə olunan qrantlar və ianələr haqqında məlumatlar isə sadəcə illik maliyyə hesabatlarında əksini tapmalıdır. Qrantlar və ianələr üzrə bank əməliyyatları azad olmalıdır”, deyə sənəddə qeyd edilir.
Fəallar hökuməti donorların qeydiyyatından imtina etməyə və onların azad fəaliyyətinə mane olan bütün normaları qanunvericilikdən çıxarmağa çağırır.
Həmçinin KİV-in qeydiyyatı analogiyası üzrə QHT-lərin qeydiyyatı üzrə bildiriş sistemi tətbiq etmək təklif olunur.
Bu zaman QHT-lərin azad işini məhdudlaşdıran fəaliyyətə görə məsuliyyət müəyyən olunmalıdır.
Son illər əlavə edilmiş məhdudlaşdırıcı normaları qanunvericilikdən çıxarmaq təklif olunur.
Müəlliflər İnzibati Xətalar Məcəlləsinə əlavə edilmiş donorlara, alıcılara qrant verilməsi və alınması ilə bağlı cərimə tətbiq edilməsi haqqında normaları ləğv etməyə çağırırlar.
Cinayət Məcəlləsindən ifadə azadlığını birbaşa məhdudlaşdıran yeni normaları çıxarmaq təklif olunur. Xüsusən, söhbət müvafiq icazə olmadan dini materialların (çap, audio, video materiallar) yayılmasına, dini ayinlərin həyata keçirilməsi adı altında ictimai asayişin pozulmasına yönəlmiş fəaliyyətə və xaricdə təhsil almış Azərbaycan vətəndaşların islam dini ilə bağlı tədbirlər keçirməsinə görə cinayət məsuliyyətindən gedir. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz