![200 ən zəngin Rusiya vətəndaşı arasında dörd azərbaycanlı var](https://turan.az/resized/media/2014/main/041700075916-750-500-resize.webp)
200 ən zəngin Rusiya vətəndaşı arasında dörd azərbaycanlı var
Forbes hər il yayınlanan Rusiyanın 200 ən zəngin sahibkarı siyahısını dərc edib. Siyahıya 4 azərbaycanlı daxil olub.
Siyahıya yalnız kapitalının əsas hissəsini dövlət qulluqçusu olmadan, şəxsi qaydada qazananlar daxil edilib.
Ən zəngin Rusiya azərbaycanlısı əvvəlki kimi 13,6 mlrd.-la Nikoil neft şirkətinin prezidenti Vaqit Ələkbərovdur. Bir il ərzində Ələkbərov 1,2 mlrd. itirib. Onun ardınca 1,8 mlrd.-la Araz Ağalarov (Krokus qrupu) gəlir. Onun var-dövləti bir il ərzində dəyişməyib. O, ümumi siyahda 56-cı yeri tutur. Üçüncü yerdə 1,4 mlrd.-la Fərhad Əhmədov (Nortqaz) gəlir. Onun var-dövləti də il ərzində dəyişməyib. Ümumi reytinqdə 69-cu yeri tutur. Siyahıda 137-ci yeri tutan dördüncü zəngin azərbaycanlı 0,75 mlrd. kapitalla Telman İsmayılovdur (AST qrupu). Onun var-dövləti də əvvəlki kimi qalıb.
Rusiyanın ən zəngin biznesmeni “Metalloinvest”, Mail.ru Group, “Meqafon”, “Evroset” kimi şirkətlərin sahibi olan Alişer Usmanovdur (mal dövləti 18,6 mlrd. dollar qiymətləndirilir, bir il ərzində 1 mlrd. dollar artıb). “Alfa-Qrupp” konsorsiumunun sahiblərindən biri və müşahidə şurasının sədri Mixail Fridman 17,6 mlrd. dollar var-dövlətlə ikinci yeri qoruyub saxlayıb. Onun var-dövləti bir il ərzində 1,1 mlrd. dollar artıb. “Skolkovo” fondunun prezidenti, “Rusala”, KES, “Akado” sahibi Viktor Vekselberqin var-dövləti 2013-cü il ərzində 2,1 mlrd. dollar artaraq, 17.2 mlrd. dollara çatıb və o, cari siyahıda 3-cü yeri tutub. Ötən il bu mövqedə NOVATEK İdarə Heyətinin sədri Leonid Mixelson var idi. -0-
İqtisadiyyat
-
Azərbaycan Respublikası Dövlət Neft Fondu (ARDNF) 2024-cü ilin ikinci rübü üzrə fondun investisiya fəaliyyətinin yekunlarına əsasən, qızıla investisiyanın ötən illə müqayisədə 3,3% artdığını bildirib. Hazırda qızıla investisiyalar 8,57 milyard ABŞ dolları və ya ARDNF-nin dollar portfelinin 14,8%-ni təşkil edir.
-
Azərbaycanın rəqəmsal inkişaf və nəqliyyat naziri Rəşad Nəbiyev “X” sosial şəbəkəsində bildirib ki, Azərbaycana səfəri zamanı İsrailin regional əməkdaşlıq naziri David Amsalem ilə innovasiyalar kosmos və aviasiya sahəsində əməkdaşlıq məsələləri müzakirə olunub..
-
Ekspertlər xəbərdarlıq edir ki, neft gəlirlərinin azalması və artan inflyasiya təzyiqləri iqtisadi sabitliklə bağlı narahatlıqları artırdığından, Azərbaycan valyuta devalvasiyası gözləntilərinin artmasına hazırlaşır.
-
Azərbaycanın iqtisadiyyat naziri Mikayıl Cabbarovun rəhbərlik etdiyi nümayəndə heyəti İtaliyaya rəsmi səfəri çərçivəsində İtaliyanın əsas rəsmi şəxsləri ilə görüşüb, iki ölkə arasında güclü və çoxşaxəli tərəfdaşlıq əlaqələrini vurğulayıb.
Rəy yaz